Telekomuniko

Telekomuniko esas komuniko a larja disto per teknologiala moyeni, note per elektrala signali elektromagnetik ondi.^{[1][2][3][4][5][6]}

Parabolal anteno por komuniki per artificala sateliti en Raisting, Bavaria, Germania.

La maxim anciena formi di telekomuniki sen uzar elektro esis far-lumi, fumo-signali, optikala telegrafi, edc. Telegrafo, telefono, radio, komuniki per mikroondi, interreto, edc, uzas elektro od elektromagnetala teknologii. La revoluciono en telekomuniki sen metalofili eventis dum la yari 1900a, kande Guglielmo Marconi e Nikola Tesla developis la komuniko per radio. Marconi ganis Nobel-premio pri fiziko en 1909 por lua inquesto.