Toskania

Toskania (Italiane: Toscana) esas Italiana regiono, jacanta centre-weste di la lando. Segun statistiki de 2019, ol havis 3 729 641 habitanti. Lua tota surfaco esas 22 994 km².

Toscana Regiono di Italia Panoramo di la kolini che valo Val d'Orcia. Chefurbo Firenze Maxim granda urbo Firenze Surfaco 22 994 km² Habitanti Denseso di habitantaro 3 729 641 (2019) 162.20 hab./km² Prezidanto Eugenio Giani (PD) Horala zono UTC+1 (UTC+2 dum somero) TNP (yaro) US$ 138 942 milioni (2018) Reto www.regione.toscana.it/

Historio

Toskania habitabas de paleolitiko, komence da grupi di chaseri-kolekteri. Dum l'8ma yarmilo aK existis kulturo qua developis uzo di ceramiko kun desegni. Dum fer-epoko, Toskania esis parto di regiono Etruria, qua havis sua apogeo dum la 4ma yarcento aK. Dum la 3ma yarcento aK, Etruski vinkesis da Romani, e la regiono dekadis. Romani fondis urbi Lucca (Latina: Luca), Pisa, Siena (Saena Julia) e Firenze (Florentia).

Pos la falio di Romana imperio, la regiono dominacesis da Ostrogoti e Bizancani, ante ke Lombardi okupis ol en 569, ed establisis sua chef-urbo en Lucca. Dum l'8ma yarcento, Karolus la Granda destruktis Lombarda rejio e la regiono divenis markezio Tuscia, pose komtio Lucca. Dum la 11ma yarcento, Pisa divenis la maxim importanta urbo di la regiono.

De 1115 til 1532 existis tale nomizita Republiko Firenze. La republiko administresis da konsilistaro, nomizita signoria. La nigra pesto komencis mortigar en Toskania en 1348, e til desaparigar komplete ol mortigis de 50% til 60% de la habitantaro. En 1630 altra pesta epidemio devastis la habitantaro.

En 1434, familio Medici transformis Firenze en kulturala chef-urbo. Firenze divenis un ek la bersi di Renesanco.

Geografio

Peizajo proxim Siena.

La regiono havas aproxime triangulala formo, kun Liguria en la nord-westo, Emilia-Romagna en la nordo ed en la esto, Umbria en la esto, e Lazio en la sud-esto. En la westo jacas Tirreno. Kolini kovras 2/3 de lua teritorio.

Lua precipua urbo esas la chef-urbo, Firenze. Altra urbi en Toskania inkluzas Livorno, Arezzo, Siena, Pisa e Monteriggioni.

Ekonomio

Ica seciono esas vakua, nesuficante detaloza o nekompleta. Vua helpo esas bonvenanta!