![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Urri%25C3%25B0afoss_%25C3%25AD_%25C3%259Ej%25C3%25B3rs%25C3%25A1.jpg/640px-Urri%25C3%25B0afoss_%25C3%25AD_%25C3%259Ej%25C3%25B3rs%25C3%25A1.jpg&w=640&q=50)
Jökulá
From Wikipedia, the free encyclopedia
Jökulá[1] er samheiti yfir þær ár sem eiga aðalupptök sín í jökli. Í jökulám rennur s.k. jökulvatn, þ.e. leysingavatn jökuls.
![Thumb image](http://upload.wikimedia.org/wikipedia/commons/thumb/3/31/Urri%C3%B0afoss_%C3%AD_%C3%9Ej%C3%B3rs%C3%A1.jpg/640px-Urri%C3%B0afoss_%C3%AD_%C3%9Ej%C3%B3rs%C3%A1.jpg)
Rennsli í jökulám er mjög háð lofthita. Í kuldatíð er lítil leysing í jöklum og lítið vatn í þeim ám sem undan þeim renna. Þegar hlýtt er í veðri er mikil leysing í jöklum og mikið vatn í jökulám. Miklar rennslissveiflur eru í jökulám, bæði dægursveiflur og árstíðasveiflur. Flestar jökulár eru meira eða minna blandaðar af bergvatnsám, sem sameinast þeim á leiðinni til sjávar.
Stærstu fljót Íslands eru flest jökulár að stofni til. Dæmi um jökulár eru Þjórsá, Ölfusá, Jökulsá á Fjöllum, Jökulsá á Dal, Jökulsá á Sólheimasandi, Blanda og Héraðsvötn. Að minnsta kosti 10 ár á Íslandi, bæði stórar og smáar, bera nafnið Jökulsá og tveir bæir hafa einnig þetta nafn.