Zimmermann-símskeytið
From Wikipedia, the free encyclopedia
Zimmermann-símskeytið kölluðust leynileg samskipti á milli utanríkisráðuneyta Þýskalands og Mexíkó í janúar árið 1917. Símskeytið stakk upp á hernaðarbandalagi Mexíkó og Þýska keisaraveldisins ef Bandaríkin kynnu að ganga inn í fyrri heimsstyrjöldina í liði með Bandamönnum gegn Þjóðverjum. Samkvæmt uppástungunni áttu Mexíkanar að endurheimta Texas, Arizona og Nýju Mexíkó, sem Bandaríkin höfðu haft af þeim í stríði ríkjanna árin 1846-1848. Breska leyniþjónustan komst yfir skilaboðin og leysti úr dulmálinu áður en þau bárust til Mexíkó. Þegar skilaboðin voru birt almenningi reiddust Bandaríkjamenn mjög, sérstaklega eftir að þýski utanríkisráðherrann Arthur Zimmermann viðurkenndi opinberlega að skilaboðin væru ófölsuð þann 3. mars. Skilaboðin urðu ein ástæða Bandaríkjamanna fyrir því að lýsa yfir stríði á hendur Þjóðverjum í apríl sama ár.[1] Ráðning dulmálsins var talinn mesti sigur breskra njósnara í fyrri heimsstyrjöldinni og eitt fyrsta skiptið sem heimsatburðir urðu fyrir áhrifum frá njósnum.[2]