Airbus

Airbus SE (borið fram [/ɛʁbys/] á frönsku, [/ˈɛərbʌs/] á ensku og [/ˈɛːɐbʊs/] á þýsku) er evrópskt flugiðnaðar fyrirtæki með skrifstofur í Hollandi, Frakklandi, Spáni og Þýskalandi. Airbus hannar, framleiðir og selur loftför fyrir bæði almennan markað og heri. Fyrirtækið er með þrjú svið: Farþegaflugvélasvið (Airbus S.A.S.), Varnar- og Geimsvið og Þyrlusvið, þriðja verandi stærst í sínum flokki hvað varðar hagnað og fjöldi túrbínudrifna þyrla afhenta.^[1] Árið 2019 var Airbus talin stærsti framleiðandi á farþegaflugvélum í heiminum.^[2]

Airbus SE
Rekstrarform	Dótturfyrirtæki
Stofnað	1970 (sem Airbus Industrie GIE)
Staðsetning	Toulouse, Frakkland
Lykilpersónur	Guillaume Faury (forstjóri
Starfsemi	Varnarmálafyrirtæki og flugvélaframleiðandi
Móðurfyrirtæki	EADS
Dótturfyrirtæki	Airbus Military
Vefsíða	www.airbus.com/

Airbus A320, best selda farþegaþota fyrirtækisins

Fyrirtækið hefur verið brautryðjandi á sínu sviði sem framleiðandi á farþegaþotum. Það hannaði fyrstu farþegaþotuna til að nota stafrænt fly-by-wire kerfi, Airbus A320, og stærstu farþegaþotu heims, A380.

Farþegaflugvélar

Airbus hefur í gegnum tíðina framleitt ellefu gerðir af farþegaþotum. Nöfn þeirra byrja allar á A og síðan þremur tölustöfum sem segja nokkurn vegin til um hversu stór eða langdræg hún er.

• A220
• A300
• A310
• A318
• A319
• A320
• A321
• A330
• A340
• A350
• A380