Ann Radcliffe

Ann Radcliffe (fædd Ward; 9. júlí 1764 - 7. febrúar 1823) var enskur rithöfundur og frumkvöðull í mótun gotnesku skáldsögunnar. Sú aðferð hennar að gefa meintum yfirnáttúrulegum atburðum eðlilegar skýringar átti þátt í að afla gotnesku skáldsögunni virðingar á 10. áratug 18. aldar.^[1] Radcliffe var einn vinsælasti rithöfundur samtímans og naut almennrar viðurkenningar. Gagnrýnendur kölluðu hana galdrakonuna miklu og Shakespeare skáldsögunnar. Bækur hennar nutu vinsælda langt fram á 19. öld.^[2] Áhugi á verkum hennar hefur vaknað aftur með útgáfu þriggja ævisagna í upphafi 21. aldar.^[3]

Ann Radcliffe