Athyglisbrestur

Athyglisbrestur er taugaþroskaröskun sem veldur einbeitingarskorti ýmist með ofvirkni (og kallast þá ADHD)^[a] eða án (ADD).^[b] Auk einbeitingarskorts einkennist athyglisbrestur með ofvirkni oft af hvatvísi og sumir eiga erfitt með að hafa stjórn á eigin tilfinningum.^[1][2][3][4] Greining byggist á því hvort einbeitingarskortur hafi verið til staðar í meira en hálft ár, valdi viðkomandi vandræðum t.d. heima eða í skóla, og hvort einkenni hafi komið fram í barnæsku.^[5][6]

Meðferð inniheldur atferlismeðferð og lyf á við örvandi lyfið metýlfenídat (Rítalín).^[7]

Talið er að athyglisbrestur sé tengdur brenglun í boðefnakerfi heilans, þá sérstaklega heilaboðefnunum dópamíni og noradrenalíni.

Hugtakið athyglisbrestur kom fyrst fram í kynningarbæklingi Foreldrafélags misþroska barna við stofnun þess árið 1988.

Á Íslandi eru mun fleiri greindir með athyglisbrest en á Norðurlöndum. Í rannsókn árið 2024 kom fram að hann sé líklega ofgreindur á Íslandi. ^[8]

Neðanmálsgreinar

1. Á ensku: „attention deficit hyperactivity disorder“
2. Á ensku: „attention deficit disorder“