Snækrókus

Snækrókus eða Balkankrókus (fræðiheiti: Crocus tommasinianus),^[1][2] er planta af ættkvísl krókusa. Hann er uppruninn á Balkanskaga og nefndur eftir grasafræðingnum Muzio G. Spirito de Tommasini (1794-1879) sem var borgarstjóri í Austurrísk-Ungversku borginni Trieste sem nú tilheyrir Ítalíu.^[3] Íslenska heitið snækrókus er til komið vegna þess að hann er meðal fyrstu krókusa til að blómstra á vorinn.

Snækrókus
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Einkímblöðungar (Liliopsida) Ættbálkur: Laukabálkur (Asparagales) Ætt: Sverðliljuætt (Iridaceae) Ættkvísl: Krókus (Crocus) Tegund: C. tommasinianus
Tvínefni
Crocus tommasinianus Herb.
Samheiti
Crocus serbicus A.Kern. ex Maw Crocus vernus var. tommasinianus (Herb.) Nyman

Lýsing

Snækrókus er ein af smærri ræktuðu tegundum krókusa. Blómin eru grönn, um 2 - 4 sm löng, með hvítri krónupípu. Krónublöð (6) föl silfur-fjólublá til rauðfjólublá en ytri krónublöðin geta verið með silfurblæ pg með dekkri endum. Afbrigðið, C. tommasinianus f. albus, er hvítt og hæð þess um 7 til 8 sm. Honum er oft plantað í stórum breiðum í einka og almenningsgörðum en sáir sér einnig auðveldlega sjálfur sem hefur gefið honum stöðu sem illgresi í margra augum. Litningatala hanns er 2n = 16.^[4]

Afbrigði

Breiða af Elfenkrokus (Snækrókus) í Planten und Blumen, Hamburg

• 
  Snækrókus 'Barr's Purple'
• 
  Snækrókus 'Lilac Beauty'
• 
  Snækrókus 'Roseus'
• 
  Snækrókus 'Ruby Giant'
• 
  Snækrókus 'Whitewell Purple'