Daglegt líf

Daglegt líf eða hversdagslíf er það sem fólk gerir, hugsar og upplifir daglega undir venjulegum kringumstæðum. Daglegt líf er þannig sagt vera hversdagslegt, reglubundið, alvanalegt, eða eðlilegt.^[1]

Fjórir slökkviliðsmenn borða saman morgunmat.

Menn eru dagdýr sem þýðir að flest fólk sefur á nóttunni og vakir á daginn. Í flestum tilvikum borðar fólk tvær til þrjár máltíðir á dag. Hefðbundinn vinnutími (fyrir utan vaktavinnu) felur í sér dagskrá sem hefst á morgnana. Í mörgum samfélögum skapast háannatími þegar fólk fer í og úr vinnu á sama tíma á morgnana og síðdegis. Daglegt líf getur verið mjög ólíkt eftir því hvort fólk er ríkt eða fátækt, í vinnu, námi eða atvinnulaust, og fer líka eftir aldri. Hluti daglegs lífs er frítími utan vinnu, en sá tími fer líka að stórum hluta eftir ákveðinni dagskrá.

Daglegt líf er mikilvægt hugtak í félagsfræði, félagssálfræði, mannfræði, þjóðfræði og menningarfræði.