Efnahagsbandalag Vestur-Afríkuríkja

Efnahagsbandalag Vestur-Afríkuríkja (enska: Economic Community of West African States, ECOWAS; franska: Communauté économique des États de l'Afrique de l'Ouest, CEDEAO) er efnahagsbandalag tólf Vestur-Afríkuríkja sem var stofnað með Lagossáttmálanum 28. maí 1975.

Aðilar að ECOWAS

Aðildarlönd eru Benín, Fílabeinsströndin, Gambía, Gana, Gínea, Gínea-Bissá, Grænhöfðaeyjar, Líbería, Nígería, Senegal, Síerra Leóne og Tógó. Máritanía var áður aðili að bandalaginu en dró sig út úr því árið 2000. Átta þessara landa deila sama gjaldmiðli, CFA-frankanum.

Þrjú stofnríki bandalagsins, Búrkína Fasó, Malí og Níger, sögðu sig úr bandalaginu þann 29. janúar 2025, eftir langar deilur við önnur aðildarríki. Öll þrjú ríkin höfðu farið í gegnum herforingjabyltingar á undanförnum árum og eru undir herforingjastjórnum. Ríkin þrjú mynduðu með sér nýtt Bandalag Sahel-ríkja í stað ECOWAS.^[1]