Flóðin í Kína 2020

Flóðin í Kína 2020 stóðu yfir allt regntímabilið í Kína, frá byrjun júní fram í september árið 2020. Flóðin höfðu áhrif á héruðin Guangxi, Guizhou, Sichuan, Hubei og Chongqing. Alls létust 219 og yfir 50.000 hús eyðlögðust.^[1] Flóðin voru talin þau verstu í Kína síðan 1998.^[2]

Forna borgin í Tongling undir vatni í júlí 2020.

Samkvæmt Veðurstofu Kína stöfuðu auknar rigningar af óvenju mikilli uppgufun úr Indlandshafi og Kyrrahafi,^[3] sem margir telja að hafi tengst loftslagsbreytingum.^[4][5][6]