Frumskrift

Frumskrift er heiti á forsögulegum táknmyndum sem virðast merki um boðskipti með táknum (skrift)^[1] þótt þau tengist ekki sérstöku ritmáli (tungumáli).^[2] Oftast er um að ræða röð myndtákna eða minnistákna. Elsta frumskriftin sem fundist hefur gæti verið yfir 40.000 ára gömul tákn frá fornsteinöld.^[3] Vinča-táknin eru frá Suðaustur-Evrópu á nýsteinöld (um 7000 f.o.t.). Með tímanum urðu þau flóknari og fjölbreyttari, en deilt er um hvort líta beri á þau sem dæmi um skrift eða frumskrift.^[4]

Kish-spjaldið frá 4. árþúsundinu f.o.t.