G77

G77 er hópur aðildarríkja Sameinuðu þjóðanna sem flokkast sem þróunarlönd. Markmið hópsins eru að kynna efnahagsmarkmið þessara landa og bæta samningsstöðu þeirra með samstarfi ríkja frá hnattræna suðrinu.^[1] Stofnríki G77 þann 15. júní 1964 voru 77 talsins, en síðan þá hefur hópurinn stækkað og telur nú 134 ríki.^[2]

Þriðji leiðtogafundur G77 og Kína í Úganda 2024.

Hópurinn var stofnaður af 77 hlutlausum ríkjum í tengslum við Ráðstefnu Sameinuðu þjóðanna um viðskipti og þróun.^[3] Fyrsti fundur ríkjanna var í Alsír 1967 þar sem „Alsírsáttmálinn“ var samþykktur. G77 er með starfshópa í höfuðstöðvum Sameinuðu þjóðanna og helstu stofnunum þeirra. Einn af þessum starfshópum er G24 stofnaður árið 1971 til að samræma stefnu þróunarlanda í efnahagsmálum.