Garpsdalur

Garpsdalur er lítill dalur milli Garpsdalsfjalls og Gilsfjarðarmúla norðan megin við Gilsfjörð og austan við Króksfjarðarnes í Reykhólahreppi. Þar er Garpsdalsvatn sem Múlaá rennur úr. Vestast í dalmynninu er samnefndur bær og kirkja, Garpsdalskirkja, smíðuð árið 1935.^[1] „Garpsdalsdraugurinn“ er þekkt draugasaga úr Íslenzkum þjóðsögum og æfintýrum Jóns Árnasonar, sem gerist árið 1807.^[2]

Árið 2018 komu fram hugmyndir um vindmyllugarð á Garpsdalsfjalli.^[3]