Hryðjuverkin 11. september 2001

Hryðjuverkin 11. september 2001 voru umfangsmiklar íslamskar hryðjuverkaárásir framdar af al-Qaeda gegn Bandaríkjunum. Þriðjudaginn 11. september 2001 var fjórum farþegaþotum rænt á flugi yfir austurströnd Bandaríkjanna, tveimur þeirra flogið á World Trade Center tvíburaturnana í New York, einni flogið á Pentagon-bygginguna í Arlington-sýslu í Virginíu og ein brotlenti í Somerset-sýslu í Pennsylvaníu eftir átök um borð milli farþega og flugliða við hryðjuverkamennina. Ekki er vitað hvert fjórða skotmarkið var en talið er að það hefði verið annað hvort Hvíta Húsið eða Þinghúsið í Washington DC.

World Trade Center turnarnir í ljósum logum þann 11. september 2001 eftir að farþegaþotum hafði verið flogið á þá. Mikinn dökkgráan reykjarmökk leggur frá toppi turnanna.

Báðir turnar World Trade Center hrundu til grunna og miklar skemmdir urðu bæði á nærliggjandi byggingum og á Pentagon. Auk hryðjuverkamannanna 19 létu 2977 lífið í árásunum, sem höfðu mikil áhrif á alþjóðasamfélagið. Um kvöldið 11.september 2001 tilkynnti CIA George W. Bush bandaríkjaforseta að árásirnar voru framdar af al-Queda undir stjórn Osama Bin Laden Eftir þær hófu Bandaríkjamenn stríðið gegn hryðjuverkum, réðust inn í Afganistan og steyptu þar talíbanastjórninni af stóli og tveimur árum seinna í Írak.

Árasirnar

Snemma þriðjudagsmorgunin tóku 19 hryðjuverkamenn yfir fjórum farþegaþotum (tvær Boeing 757 og tvær Boeing 767). Langdrægar og stórar þotur sem voru á leið frá austurströnd til vesturstrandar Bandaríkjana urðu fyrir valinu því þær myndu hafa meira eldsneyti um borð.

Upplýsingar um flugin fjögur

Flugfélag	Flugnúmer	Flugvélategund	Brottfaratími	Tími brotlendingar	Brottfarastaður	Á leið til	Brotlendingarstaður
American Airlines	11	Boeing 767-223(ER)	7:59	8:46	Boston Logan	Los Angeles	Norður turn Tvíburaturnanna milli 93 og 99 hæðar
United Airlines	175	Boeing 767-222	8:14	9:03	Boston Logan	Los Angeles	Suður turn Tvíburnaturnanna milli 77 og 85 hæðar
American Airlines	77	Boeing 757-223	8:20	9:37	Washington Dulles	Los Angeles	Vestur veggur Pentagon
United Airlines	93	Boeing 757-222	8:42	10:03	Newark	San Francisco	Tún í Somerset sýslu, Pennsylvaníu

Sjá einnig

• Listi yfir lög sem Clear Channel mat óviðeigandi eftir hryðjuverkaárásirnar 11. september 2001

  Þessi Bandaríkja-tengda grein sem tengist sögu er stubbur. Þú getur hjálpað til með því að bæta við greinina.