Kambur hf.

Kambur hf. er íslenskt fiskvinnslufyrirtæki staðsett á Flateyri á Vestfjörðum. Kambur er stærsta atvinnufyrirtækið á Flateyri en þar starfa um 120 manns, liðlega 50 sjómenn og hinir í landi.^[1][2]

Kambur hf.
Rekstrarform	Hlutafélag
Staðsetning	Flateyri, Ísland
Lykilpersónur	Hinrik Kristinsson, forstjóri
Starfsemi	Fiskvinnslufyrirtæki
Starfsfólk	120

Sala á kvóta

Þann 17. maí 2007 var tilkynnt að Kambur væri nú í samningaviðræðum um að selja frá sér stóran hluta kvóta sinn og fiskveiðiskip en Kambur gerði þá út samtals 5 báta.^[1][2]

Daginn eftir, þann 18. maí 2007, var haldinn starfsmannafundur fyrir starfsmenn Kambs. Miklar áhyggjur voru fyrir Flateyri ef kvótinn væri seldur.^[3] Á fundinum var starfsmönnum félagsins greint frá því að eigendur Kambs hafi ákveðið að hætta allri starfsemi og selja allar eignir félagsins.^[4]