Klippari

Klippari^[1] (klipper^[2] eða hraðsiglari^[3]) var hraðskreitt fjölmastra seglskip sem var notað á 19. öld. Klipperar voru yfirleitt grannir, sem takmarkaði flutningsgetu þeirra, og auk þess litlir miðað við seglskip 19. aldar, en með hlutfallslega mikinn seglflöt. Klipparar voru flestir smíðaðir í skipasmíðastöðvum í Bandaríkjunum og Bretlandi og voru notaðir á siglingaleiðum frá Bretlandi til nýlendnanna í austri og yfir Atlantshafið og á leiðinni frá New York til San Francisco fyrir Hornhöfða á tímum gullæðisins.

Bandaríski klipparinn Flying Cloud á málverki eftir James E. Buttersworth frá 1859-1860.