Evrópulerki

Evrópulerki (fræðiheiti: Larix decidua) er tegund lerkis af þallarætt. Það er upprunið úr fjalllendi Mið-Evrópu, aðallega Ölpunum og Karpatafjöllum og í vex í allt að 2400 metra hæð. Það lifir hins vegar illa á láglendi þar og er viðkvæmt fyrir sjúkdómum.^[1]

Evrópulerki
Vísindaleg flokkun
Ríki: Jurtaríki (Plantae) Fylking: Pinophyta Flokkur: Barrtré (Pinopsida) Ættbálkur: Pinales Ætt: Þallarætt (Pinaceae) Ættkvísl: Lerki (Larix) Tegund: L. decidua
Tvínefni
Larix decidua Mill.
Útbreiðsla

Á Íslandi

Á Íslandi vex það vel og betur en rússalerki/síberíulerki, sérstaklega á láglendi. Það getur orðið kræklótt vegna haustkals. ^[2]

Elstu eintök sem vitað er um eru í Mörkinni, Hallormsstaðaskógi, sáð um 1904. Einnig eru um aldargömul tré í Skrúði í Dýrafirði og á Akureyri. ^[3] Krónan getur orðið mikil um sig. Evrópulerki, staðsett í Hólavallakirkjugarði, var útnefnt borgartré Reykjavíkur árið 2011. ^[4] Hæstu tré eru um 24 metrar á hæð (2016). ^[5]

Árin 1996, 2004 og 2014 hefur evrópulerki verið valið tré ársins af Skógræktarfélagi Íslands.

Svipmyndir

• 
  Evrópulerki í Hólavallakirkjugarði, Reykjavík
• 
  Evrópulerki á Skrúði, Dýrafirði.
• 
  Evrópulerki við Kleppsspítala.
• 
  Barr og köngull

Tengt efni

• Listi yfir tré á Íslandi sem hafa náð 20 metra hæð