Lehman Brothers

Lehman Brothers var bandarískur fjárfestingabanki sem varð gjaldþrota 15. september 2008. Þetta var stærsta gjaldþrot í sögu Bandaríkjanna en útistandandi skuld fyrirtækisins nam 613 milljörðum Bandaríkjadölum.^[1] Stuttu áður var Lehman Brothers talinn fjórði stærsti fjárfestingarbankinn í Bandaríkjunum á eftir Goldman Sachs, Morgan Stanley og Merrill Lynch.

Lehman Brothers Inc.
Rekstrarform	Alþjóðlegt fjármálaþjónustufyrirtæki
Stofnað	1850
Stofnandi	Henry, Emanuel og Meyer Lehman
Örlög	Varð gjaldþrota þann 15. September 2008
Staðsetning	New York City, New York, BNA
Lykilpersónur	Robert Lehman Pete Peterson Richard Fuld
Starfsemi	Fjárfestingaþjónsta Fjárfestingabankastarfsemi Fjárfestingastjórnun
Starfsfólk	27,200 (2008)
Vefsíða	www.lehman.com/

Fall Lehman Brothers setti af stað atburðarás sem leiddi til bankahruns á Íslandi. Stjórnendur íslenska bankans Glitnis sáu sig nauðbeygða til þess að falast eftir neyðarláni hjá Seðlabanka Íslands, sem ákvað að láta Glitni fara í þrot, tveimur vikum eftir fall Lehman Brothers.