Logos

LOGOS er lögmannsstofa í Reykjavík. Stofan er stærsta lögmannsstofa Íslands með um 80 starfsmenn. LOGOS sérhæfir sig í þjónustu við íslenskt og alþjóðlegt viðskiptalíf og er jafnframt sú lögmannsstofa á Íslandi sem á sér lengsta sögu, eða allt aftur til ársins 1907.  ^[1]

Sveinn Björnsson, sem síðar varð fyrsti forseti Íslands, opnaði þá fyrstu lögmannsstofu landsins, Málflutningsskrifstofuna í Kirkjustræti í Reykjavík. Logos í núverandi mynd varð til með samruna A&P lögmanna og Málflutningsskrifstofunnar.^[2] Árið 2005 opnaði LOGOS skrifstofu í London og var jafnframt fyrsta íslenska lögfræðistofan til að opna skrifstofu þar. Verkefnin þar eru flest á sviði fyrirtækjaráðgjafar.^[3]   Lögmannsstofan er félagi í Lex Mundi, sem eru stærstu samtök óháðra lögfræðistofa í heiminum.^[4]