Matthildarland

Matthildarland (norska: Dronning Maud Land) er um 2,7 milljón ferkílómetra^[1] svæði á Suðurskautslandinu sem Noregur gerir tilkall til sem hjálendu.^[2] Matthildarland liggur að Breska Suðurskautslandinu við 20. lengdargráðu vestur og Ástralska Suðurskautslandinu við 45. lengdargráðu austur. Að auki innlimuðu Norðmenn árið 2015 lítið landsvæði sem enginn hafði gert tilkall til frá 1939.^[3] Matthildarland er staðsett á Austur-Suðurskautslandi, nær yfir um einn fimmta af meginlandinu, og heitir eftir Matthildi Noregsdrottningu (1869–1938).

Kort af Suðurskautslandinu með Matthildarland merkt inn.