Nýjasta tækni og vísindi

Nýjasta tækni og vísindi er íslenskur sjónvarpsþáttur sem var upphaflega sýndur á árunum 1967-2004 og hóf svo aftur göngu sína árið 2020 á RÚV.

Nýjasta tækni og vísindi
Tegund	Fræðsluþáttur
Kynnir	Örnólfur Thorlacius (1967-1980) Sigurður H. Richter (1974-2004) Edda Elísabet Magnúsdóttir, Guðmundur Jóhannsson, Sigmar Guðmundsson Sævar Helgi Bragason (2020- í dag)
Upprunaland	Ísland
Frummál	Íslenska
Útsending
Upprunaleg sjónvarpsstöð	Sjónvarpið
Sýnt	1967 – 2004; 2020 –

Þátturinn var í umsjón Örnólfs Thorlaciusar á árunum 1967-1974 en þá kom Sigurður H. Richter dýrafræðingur til liðs við þáttinn og sáu þeir um hann í sameiningu á árunum 1974-1980. Sigurður tók síðan alfarið við stjórn þáttarins þegar Örnólfur var skipaður rektor Menntaskólans við Hamrahlíð árið 1980 og var Sigurður umsjónarmaður þáttarins á árunum 1980-2004.

Nýjasta tækni og vísindi var elsti þátturinn á dagskrá Sjónvarpsins að undanskildum fréttum og Stundinni okkar þegar hann tók langt hlé árið 2004.^[1] Hann hóf aftur göngu sína þann 14. september 2020 eftir 16 ára hlé í umsjón Eddu Elísabetar Magnúsdóttur, Sigmars Guðmundssonar og Sævars Helga Bragasonar með innslögum frá Guðmundi Jóhannssyni.^[2]