Newcastle upon Tyne

Newcastle upon Tyne (almennt Newcastle og hefur verið nefnd Nýikastali ^{[1] [2]}á íslensku) er borg á Norðaustur-Englandi. Hún er við Tyneá og er 74 km suður af skosku landamærunum. Íbúar næsta nágrennis Newcastle eru kallaðir Geordies. Árið 2022 voru íbúar Newcastle um 308.000 talsins og er stórborgarsvæðið það fjölmennasta á norður-Englandi.

Tyne-brúin í Newcastle.

Sveitarfélagið Newcastle á Englandi.

Borgin var stofnuð á tímum Rómaveldis sem Pons Aelius. Hún tók nafn sitt af kastala Róberts stuttbrókar, sonar Vilhjálmur sigursæla, konungs Englands. Í iðnbyltingunni var Newcastle ein stærsta miðstöð skipasmíða heims ^[3]. Borgin var forðum höfuðborg Northumberlands en klauf sig frá sýslunni um 1400 ^[4]. Newcastle hlaut borgarstöðu árið 1882. Árið 1974 varð hún hluti sveitarfélagsins Tyne and Wear.

Meðal áhugaverðra staða og kennileita í borginni eru: Tyne-brúin, Millennium-brúin, Swing-brúin og High-level-brúin, Newcastle-kastali, Newcastle-dómkirkjan, St Mary's-dómkirkjan og St Thomas'-kirkjan. Grainger Town með Grey's-minnismerkinu og konunglega leikhúsinu (Theatre Royal) og St James' Park-knattspyrnuvöllurinn.

Samgöngur

Neðanjarðarlestarkerfi Newcastle.

Lestir halda til Lundúna á hálftíma fresti, til King's Cross-járnbrautarstöðvarinnar og tekur ferðin 2-3 tíma. Lestarferðir norður til Skotlands fara um Edinborg.

Neðanjarðarkerfi Newcastle var byggt milli 1980 til 1984 og fer um stórborgarsvæðið og til Sunderland.

Íþróttir

• Knattspyrnufélag borgarinnar er Newcastle United.
• Newcastle Falcons og Newcastle Thunder eru rúgbí-lið.

Menntun

• Háskólar eru tveir: Newcastle University og Northumbria University.

• 
  Theatre Royal
• 
  Dómkirkjan
• 
  St Mary’s-dómkirkjan
• 
  Grainger Town
• 
  Newcastle-kastali, turninn Castle Keep frá 12. öld.