Niðurgangur

Niðurgangur (stundum kallað ræpa) er þunnar og vatnskenndar hægðir. Niðurgangur er ósjaldan af völdum veiru- eða bakteríusýkinga, en getur einnig verið merki um ofnæmi, vannæringu eða bara tilfallandi eins og t.d. að áfengi dragi til sín vatn úr líkamanum sem veldur niðurgangi.^[1][2]

Alvarlegur bráðaniðurgangur er algeng dánarorsök í þróunarlöndum og veldur stórfelldum ungbarnadauða á heimsvísu.^[3]

Niðurgangur á íslensku

Til eru fjölmörg orð og orðasambönd sem höfð hafa verið um niðurgang á íslensku. Mætti þar t.d. nefna: búkhlaup, drulla, hlessingur, lífsýki, lækjarkata eða lækjar-katrín, puðra, pula, ræpa, skita, skota, skrulla, steinsmuga, þunnlífi og þúfnalúra.^[4]

Tengt efni

• Bristol saurkvarðinn