Patrick Modiano

Patrick Modiano (f. 30. júlí 1945) er franskur rithöfundur sem hlaut Nóbelsverðlaunin í bókmenntum árið 2014.^[1]

Patrick Modiano

Patrick Modiano árið 2014.
Fæddur:	30. júlí 1945 (1945-07-30) (80 ára) Boulogne-Billancourt, Frakklandi
Starf/staða:	Rithöfundur
Þjóðerni:	Franskur
Þekktasta verk:	La Place de l'Étoile (1968) Les Boulevards de ceinture (1972) Villa Triste (1975) Rue des Boutiques obscures (1978) Dora Bruder (1997) Un pedigree (2005)
Maki/ar:	Dominique Zehrfuss
Börn:	Zina Modiano Marie Modiano

Ævi og störf

Modiano fæddist í París, sonur belgískrar leikkonu og gyðings af ítölsku bergi brotnu.^[2] Þau slitu samvistum og ólst Modiano því að miklu leyti hjá flæmskumælandi afa sínum og ömmu. Námsferill hans var skrykkjóttur. Hann innritaðist í Sorbonne háskóla en lauk engri gráðu.

Fyrsta skáldsaga Modiano kom út þegar hann var 22 ára gamall. Hún gerðist á tímum hernáms nasista í Frakklandi og vísaði í atburði í fjölskyldusögu höfundarins, líkt og ýmis seinni verka hans.

Modiano hlaut bókmenntaverðlaun Nóbels árið 2014. Tvær skáldsagna hans hafa komið út í íslenskri þýðingu Sigurðar Pálssonar, Dóra Bruder (franska: Dora Bruder) og Svo þú villist ekki í hverfinu hérna (franska: Pour que tu ne te perdes pas dans le quartier).