Súpugull

Súpugull^[1] einnig kölluð Portulakka (fræðiheiti: Portulaca oleracea) er smávaxin jurt af grýtuætt sem vex og er ræktuð víða í Evrópu sem krydd og grænmeti þó er litið á hana sem illgresi í Bandaríkjunum.

Grískt salat með portulakka

Súpugull
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Hjartagrasbálkur (Caryophyllales) Ætt: Grýtuætt (Portulacaceae) Ættkvísl: Portulaca Tegund: P. oleracea
Tvínefni
Portulaca oleracea L.
Samheiti
Portulacaria oleracea

Lauf og stilkar eru með krydduðum piparkeim og eru notuð í súpur og salöt. Það er hægt að nota það sem blaðgrænmeti og það er gert víða í Evrópu, miðausturlöndum, Asíu og Mexíkó. Stilkur, lauf og blóm eru æt. Hægt er að nota súpugull í salat, steikja eða sjóða og það hentar vel í súpur og ofnrétti. Frumbyggjar Ástralíu nota fræin í sérstakar frækökur. Í Grikklandi eru laufin steikt og gufusoðin með fetaosti, tómötum, lauk, hvítlauk, oregano og ólífuolíu og bætt í salat, soðið eða bætt í kjúklingapottrétti. Í Tyrklandi er súpugull notuð í salat og bakstur en einnig soðin sem grænmeti eins og spínat.