Fellalykill

Fellalykill (fræðiheiti Primula alpicola^[1]) er blóm af ættkvísl lykla. Honum var fyrst safnað 1926 af Frank Kingdon-Ward og var lýst sem afbrigði af Primula microdonta af William Wright Smith, en síðar skrásettur sem eigin tegund af Otto Stapf.

Fellalykill
Primula alpicola
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Lyngbálkur (Ericales) Ætt: Maríulykilsætt (Primulaceae) Ættkvísl: Lyklar (Primula) Undirættkvísl: Aleuritia Geiri: Sikkimensis Tegund: P. alpicola
Tvínefni
Primula alpicola (W.W. Sm.) Stapf
Samheiti
Primula microdonta var. alpicola W.W. Sm. Primula alpicola subsp. violacea Stapf Primula alpicola var. violacea (Stapf) W.W. Sm. Primula alpicola subsp. luna Stapf Primula alpicola var. luna (Stapf) W.W. Sm. & Fletcher Primula alpicola var. alba W.W. Sm. Aleuritia alpicola (Stapf) J. Sojak

Lýsing

Hann verður 15 - 50 sm (sjaldan að 1m) með mörgum bjöllulaga blómum. Blómin geta verið í ýmsum litum; hvít, gul og ýmsum fjólubláum litbrigðum. Þau eru stundum talin til afbrigða, svo sem; var violacea og var. luna, en ósamræmi er í nafngjöfunum. Sterkan og sætan ilm leggur af blómunum.

Útbreiðsla og búsvæði

Fellalykill er upprunninn frá Bútan og suðaustur Tíbet, þar sem hann vex í miklum mæli meðfram Tsangpo (efri hluti Brahmaputra) ásamt Friggjarlykli. Vaxtarsvæði þeirra liggja þó nær aldrei saman; Friggjarlykill kýs rakari jarðveg nær ám og Fellalykill vill þurrari svæði.

Ræktun

Þrífst mjög vel og auðveldur í ræktun. Blómstrar í júlí.^[2]

• 
•