Red (Taylor's Version)
breiðskífa Taylor Swift frá 2021 From Wikipedia, the free encyclopedia
Remove ads
Red (Taylor's Version) er önnur endurupptaka bandarísku söngkonunnar Taylor Swift. Platan var gefin út 12. nóvember 2021 af Republic Records. Hún er hluti af markmiði Swift að eignast réttindin af allri sinni áðurútgefnu tónlist. Platan er endurupptaka af fjórðu breiðskífu Swift, Red (2012), og fylgir útgáfu Fearless (Taylor's Version).
.png)
Platan inniheldur 30 lög; 20 af deluxe útgáfu Red, góðgerðarsmáskífan „Ronan“, eigin upptaka af laginu „Better Man“ (2016) og „Babe“ (2018), og sex lög sem höfðu ekki verið gefin út áður, titluð „From the Vault“. Swift og Christopher Rowe sátu í upptökustjórn fyrir plötuna með meirihluta framleiðenda upprunalegu plötunnar, með framlagi frá Aaron Dessner og Jack Antonoff. Gary Lightbody og Ed Sheeran koma aftur fram á plötunni, ásamt Phoebe Bridgers og Chris Stapleton á „vault“ lögunum.
Gagnrýnendur lýstu breiðskífunni sem klassískri poppplötu með kántríkjarna sem blandar saman rokk og raftónlist. Lögin fjalla um ást, lífið, missir, og hugarangur. Platan setti fjölda meta. Hún var stærsta vínyl sala í útgáfuviku í sögu MRC Data, og sló einnig met á Spotify fyrir flest streymi plötu eftir söngkonu á einum degi. Hún komst á topp vinsældalista í Argentínu, Ástralíu, Írlandi, Kanada, Noregi, Nýja-Sjálandi, Skotlandi, Bretlandi, og Bandaríkjunum.
Swift auglýsti plötuna með framkomum í sjónvarpi á NBC og með stuttmyndinni All Too Well: The Short Film. Af plötunni komust 26 laganna á Billboard Hot 100, þar sem lagið „All Too Well (10 Minute Version)“ komst á topp listans. Það var áttunda lag Swift til að ná þeim árangri og var það lengsta lag í sögu listans til að ná fyrsta sæti. Platan hlaut ýmis verðlaun, þar með talið Billboard Music-verðlaun, MTV Video Music-verðlaun, MTV Europe Music-verðlaun, American Music-verðlaun, og Grammy-verðlaun.
Remove ads
Lagalisti
Athugasemdir
- Öll lögin eru titluð „Taylor's Version“; lög 22–30 einnig sem „From the Vault“.[1]
Remove ads
Tilvísanir
Wikiwand - on
Seamless Wikipedia browsing. On steroids.
Remove ads