Rondey Robinson
From Wikipedia, the free encyclopedia
Remove ads
Rondey Robinson (f. 14. maí 1967) er bandarískur fyrrum körfuknattleiksmaður. Hann lék sex tímabil í Úrvalsdeild karla með Njarðvík, þar sem hann varð þrívegis Íslandsmeistari.[1][2][3][4]
Remove ads
Háskóli
Rondey lék körfuknattleik með liði Wright State sem þjálfað var af Ralph Underhill.[5] Hann missti af lokaári sínu í skólanum vegna hnémeiðsla sem þörfnuðust skurðaðgerðar.[1][6]
Ísland
Rondey samdi við Njarðvík sumarið 1990 um að verða spilandi þjálfari fyrir liðið. Fljótlega eftir að hann kom til Njarðvíkur var þó ákveðið að Friðrik Ingi Rúnarsson tæki við sem þjálfari og að Rondey einbeitti sér að spilun. Eftir erfiða byrjun þá féll Rondey betur inn í liðið eftir því sem á leið tímabilið. Undir lokin fögnuðu Njarðvíkingar Íslandsmeistaratitlinum eftir sigur á Keflavík í oddaleik. Í oddaleiknum skoraði Rondey 17 stig og tók 23 fráköst.[7]
Í úrslitakeppninni 1994 tryggði Rondey Njarðvíkinum Íslandsmeistaratitilinn með því að skora úr einu af tveimur vítum þegar 1,4 sekúndur voru eftir af oddaleik þeirra á móti Grindavík en lokatölur leiksins urðu 68-67.[8][9] Eftir tímablið var hann útnefndur besti erlendi leikmaður Úrvalsdeildar karla.[10]
Rondey lagði skóna á hilluna eftir tap Njarðvíkur á móti Keflavík í undanúrslitum úrslitakeppninnar 1996.[11][12]
Remove ads
Fjölskylda
Rondey ólst upp í Chicago með fimm bræðrum og tveimur systrum.[1]
Titlar og viðurkenningar
- 3x Íslandsmeistari (1991, 1994, 1995)
- Bikarkeppni karla (1992)
- Meistarakeppni karla (1995)
- 2x Besti erlendi leikmaður Úrvalsdeildar karla (1992, 1994)
- Frákastahæsti leikmaður Úrvalsdeildar karla (1991)
Tilvísanir
Tenglar
Wikiwand - on
Seamless Wikipedia browsing. On steroids.
Remove ads