Singalíska

Singalíska eða sinhala (සිංහල, siṁhala) er indóarískt mál talað af 16 milljón manns á Sri Lanka. Á Sri Lanka hafa 3 mál opinbera stöðu: singalíska, enska og tamílska.

Singalíska සිංහල siṁhala
Málsvæði	Sri Lanka
Heimshluti	Suðaustur-Asía
Fjöldi málhafa	16 milljónir
Ætt	Indóevrópskt  Indóíranskt   Indóarískt    Suður-indóarískt      Eyjaindóarískt       Singalíska
Skrifletur	Bramísk samstöfuskrift
Opinber staða
Opinbert tungumál	Sri Lanka
Tungumálakóðar
ISO 639-1	si
ISO 639-2	sin
ISO 639-3	sin
ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode.

Singalíska er rituð með bramískri samstöfuskrift en elstu textar á tungumálinu eru frá 3. öld f.Kr. Talið er að málið hafi borist til eyjarinnar svo snemma sem á 5. öld f.Kr. Þegar hinir fornu singalir komu til Sri Lanka fundu þeir fyrir svonefnt Vedda-fólk og gætir áhrifa frá máli þeirra á singalísku. Vedda-fólkið er talið hafa verið hvorki indóevrópskt né dravidískt. Vegna einangrunar frá meginlandinu þar sem dravidísk mál eru ríkjandi á suðurhlutanum hefur singalíska þróast með nokkuð öðrum hætti en önnur indóárísk mál. Sérstaklega hafa áhrif frá tamílsku verið mikil. Mikill munur er á ritmáli og talmáli. Sem dæmi um það beygjast sagnorð eftir tölu, persónu og kyni í ritmálinu en ekki í talmálinu.

Óákveðni greinirinn er -ak eða -ek og er aðeins notaður í eintölu og hefur vafalítið þróast úr töluorðinu fyrir einn líkt og í germönskum málum utan íslensku. Enginn ákveðinn greinir er en ef óákveðni greinirinn er ekki notaður verður orðið ákveðið fyrir vikið.

  Þessi tungumálagrein er stubbur. Þú getur hjálpað til með því að bæta við greinina.