Sjónvarp Símans

Sjónvarp Símans (áður SkjárEinn) er íslensk sjónvarpsstöð sem hóf útsendingar sínar 20. október 1999, hún var áður rekin af Íslenska sjónvarpsfélaginu sem var í eigu Símans, en hún fellur núna alfarið undir Símann. Stöðin var rekin með auglýsingatekjum í 10 ár og þá ókeypis fyrir almenning en var svo breytt í læsta áskriftastöð. 6 árum seinna tilkynntu stjórnendur fyrirtækisins að opnað yrði fyrir sjónvarpsstöðina aftur ótímabundið. Hún er nú ókeypis aftur, eingöngu í línulegri dagskrá. Þann 1. júní 2016 var nafni stöðvarinnar breytt úr SkjárEinn í Sjónvarp Símans til að endurspegla þá umbyltingu sem hafði orðið á stöðinni og Símanum sjálfum eftir sameiningu Símans og Skjásins árinu áður.^[1]

Merki Sjónvarps Símans

SkjárEinn opnaði árið 2015 streymisveituna SkjárÞættir sem varð eftir sameiningu SkjásEins við Símann að Sjónvarpi Símans Premium.

Þættir framleiddir af SkjáEinum/Sjónvarpi Símans

• 6 til sjö
• Allt í drasli (2005–2008)
• Djúpa laugin
• The Voice Ísland
• Dýravinir
• Ertu skarpari en skólakrakki?
• Frægir í form
• Fyndnar fjölskyldumyndir (2009)
• GameTíví (2008–2014)
• Gegndrepa
• Innlit/útlit (2009)
• Johnny International
• Matarklúbburinn (2009)
• Nýtt útlit (2009)
• Sigtið
• Sjáumst með Silvíu Nótt
• Spjallið með Sölva (2009)
• Ha? (2011)

Tenglar

• Sjónvarp Símans