Steingrímur Njálsson

Steingrímur Njálsson (fæddur 21. apríl 1942, dáinn 13. maí 2013) var íslenskur síbrotamaður. Hann var dæmdur fyrir nauðgun og kynferðislega misnotkun á drengjum, ölvunarakstur, þjófnað og fleira.

Á 9. áratugnum fóru fjölmiðlar að fjalla um brotaferil hans og persónulega hagi og vakti sú umfjöllun mikla reiði hjá íslensku þjóðinni, sem olli því að Steingrími var víðast illa tekið og voru meðal annars unnin skemmdarverk á eigum hans og var hann beittur líkamlegu ofbeldi. Fjallað var um brotaferil hans í sjónvarpsþættinum Sönnum íslenskum sakamálum árið 2002.