Stuttur Frakki

Stuttur Frakki (enskur titill Behind Schedule) er fyrsta kvikmynd Gísla Snæs Erlingssonar í fullri lengd, og var gerð 1992. Hún segir í stuttu máli frá Rúnari (Hjálmar Hjálmarsson) sem ætlar að halda stórtónleika í Laugardalshöllinni með mörgum af helstu hljómsveitum Íslands. Hann hefur fengið André (Jean Philippe-Labadie), fulltrúa tónlistarútgefanda frá Frakklandi, til Íslands og í því skyni að velja bestu hljómsveitina. Hjólin fara þó að snúast þegar André villist í Reykjavík og Rúnar virðist ekki geta haft upp á honum fyrir tónleikana. Friðrik Erlingsson, handritshöfundur myndarinnar, hefur sagt að hann hafi upphaflega ætlað að gera heimildarmynd um tónlistina á Íslandi sem átti að verða einhverskonar framhald á heimildarmyndarinni Rokk í Reykjavík. Hann hafi þó fljótlega hætt við og ákveðið að gera leikna kvikmynd í staðinn. Titill myndarinnar er orðaleikur, þar sem hann getur hvortveggja þýtt að André sé stuttur maður sem kemur frá Frakklandi og hins vegar stutta yfirhöfn (þ.e.a.s. frakka).

  Þessi kvikmyndagrein sem tengist Íslandi er stubbur. Þú getur hjálpað til með því að bæta við greinina.

Stuttur Frakki
Leikstjóri	Gísli Snær Erlingsson
Handritshöfundur	Friðrik Erlingsson
Framleiðandi	Kristinn Þórðarson Arni Þór Þórhallsson Art film
Leikarar	Jean Philippe-Labadie Hjálmar Hjálmarsson Elva Ósk Ólafsdóttir Björn Karlsson Eggert Þorleifsson Örn Árnason Randver Þorláksson Ingibjörg Gréta Gísladóttir Móheiður Júníusdóttir Jón Bjarni Guðmundsson sem Óli
Frumsýning	1993
Lengd	95 mín.
Tungumál	íslenska
Aldurstakmark	Leyfð