Torrijos-Carter-samningarnir
From Wikipedia, the free encyclopedia
Remove ads
Torrijos-Carter-samningarnir eru tveir samningar milli Bandaríkjanna og Panama sem tryggðu Panama yfirráð yfir Panamaskurðinum frá 1999, en Bandaríkin höfðu farið með stjórn skurðarins og aðliggjandi lands frá 1903. Samningarnir felldu úr gildi Hay-Bunau-Varilla-samningana frá 1903. Samningarnir draga nafn sitt af mönnunum sem undirrituðu þá, Jimmy Carter Bandaríkjaforseta, og Omar Torrijos herforingja í Þjóðvarðliði Panama.

Samningarnir eru tveir. Sá fyrri fjallar um varanlegt hlutleysi í rekstri Panamaskurðarins, og gefur Bandaríkjunum rétt til hernaðaríhlutunar til að verja þetta hlutleysi.[1] Sá síðari kveður á um yfirfærslu á rekstri og vörnum skurðarins til Panamastjórnar í árslok 1999.[2]
Remove ads
Tilvísanir
Wikiwand - on
Seamless Wikipedia browsing. On steroids.
Remove ads