Tunglvik

Tunglvik eru reglulegar litlar breytingar á sýndarstöðu tunglsins miðað við athuganda á jörðu og stafa af mismuninum á brautarfleti og snúningi tunglsins. Þau valda því að athugandi sér örlítið mismunandi hluta tunglsins á hverjum tíma. Þau tengjast breytingum á sýndarstærð tunglsins eftir mismunandi fjarlægð frá jörðu. Tunglvik valda því að rúmur helmingur yfirborðs tunglsins (59%) er sýnilegur frá jörðu.^[1]

Samsett hreyfimynd sem sýnir afstöðu tunglsins gagnvart jörðu yfir einn mánuð.