Vatnsorgel

Vatnsorgel (gríska: ὕδραυλις hydraulis) er pípuorgel þar sem vatn undir þrýstingi er notað til að þrýsta lofti í gegnum hljóðpípurnar þegar ýtt er á lyklaborðið. Vatnsorgel er þannig ekki með fýsibelg til að skapa loftþrýsting. Það var eignað gríska uppfinningamanninum Ktesibíosi sem bjó í Alexandríu á 3. öld f.o.t. Vatnsorgelið var fyrsta lyklaborðshljóðfæri heims og forveri pípuorgelsins.^[1][2]

Hljóðfæraleikarar með horn og vatnsorgel á rómverskri mósaíkmynd frá 2. öld.