Penyakit dhékomprèsi
owahe tekanan banyu utawa hawa ing jero awak sing kecepeten / From Wikipedia, the free encyclopedia
Penyakit dhékomprèsi sing ditepungi uga kanthi jeneng barotrauma ya iku perkara medhis sing disebabaké transisi cepet saka panggonan tekanan dhuwur menyang panggonan tekanan cendhèk. Gangguan iki ora amung ditandhang juru silem ananging uga pawongan sing makarya ing hawa terkomprési, antariksawan, lan juru anggégana.[1] Ananging penyakit iki asringé ditemoni ing juru silem. Penyakit dhékomprèsi minangka dampak owahing tekanan banyu lan hawa sing cepet kadadeyan. Tuladhané nalika nyilem, lara dhékomprèsi iki kadadéyan minangka juru silem kecepeten anggoné metu saka banyu. Dhékomprèsi (pamudhunan tekanan hawa) kalangsungan kanthi cepet. Glembung gas ing jaringan lan ora bisa kawetu kanthi cepet lan runtut saèngga ninggalaké gas ing getih lan jaringan amarga paru-paru ora nduwé wektu cukup kanggo ngetokaké glembung kasebut. Kahanan iki sing ngebabaké penyakit dhékomprèsi. Glembung gas ing getih lan jaringan awak ora sempet diguwak lan nyebabaké karusakan awak lan bisa uga tilar donya.