ꦧꦽꦚ꧀ꦗꦶꦭꦤ꧀
From Wikipedia, the free encyclopedia
Remove ads
꧋ꦧꦽꦚ꧀ꦗꦶꦭꦤ꧀ꦲꦶꦏꦸꦏ꧀ꦭꦚ꧀ꦗꦺꦂꦏꦼꦭꦩꦶꦤ꧀ꦭꦤꦁꦲꦶꦁꦏꦺꦮꦤ꧀ꦭꦤ꧀ꦩꦤꦸꦁꦱ꧉ꦩꦤꦸꦁꦱ(ꦥꦿꦶꦪ)ꦢꦸꦮꦺꦠꦺꦱ꧀ꦠꦶꦱ꧀ꦭꦺꦴꦫꦺꦴꦏꦁꦢꦶꦧꦸꦁꦏꦸꦱ꧀ꦱ꧀ꦏꦿꦺꦴꦠꦸꦩ꧀꧉
꧋ꦲꦶꦁꦩꦩꦭꦶꦪ꧈ꦧꦽꦚ꧀ꦗꦶꦭꦤ꧀ꦥꦥꦤꦺꦲꦶꦁꦚ꧀ꦗꦧꦤ꧀ꦲꦮꦏ꧀꧈ꦢꦶꦒꦤ꧀ꦝꦺꦔꦏꦺꦏꦫꦺꦴꦠꦸꦧꦸꦭꦸꦱ꧀ꦱ꧀ꦥꦼꦂꦩꦠꦶꦏꦸꦱ꧀ꦭꦤ꧀ꦥꦥꦤꦺꦲꦶꦁꦚ꧀ꦗꦼꦫꦺꦴꦤ꧀ꦱ꧀ꦏꦿꦺꦴꦠꦸꦩ꧀꧈ꦲꦶꦏꦶꦕꦺꦴꦕꦺꦴꦒ꧀ꦏꦫꦺꦴꦏꦱꦸꦚꦠꦤ꧀ꦩꦤꦮꦥꦿꦺꦴꦱꦺꦱ꧀ꦱ꧀ꦥꦺꦂꦩꦠꦺꦴꦒꦺꦤꦺꦱꦶꦱ꧀ꦩꦩꦭꦶꦪꦧꦏꦭ꧀ꦭꦸꦮꦶꦃꦌꦥ꦳ꦶꦱꦶꦪꦺꦤ꧀ꦏꦤ꧀ꦛꦶꦱꦸꦲꦸꦭꦸꦮꦶꦃꦲꦱꦺꦴꦂꦱꦏꦱꦸꦲꦸꦧꦢꦤ꧀(<꧇꧓꧗꧇ °ꦕ)꧉
꧋ꦲꦶꦁꦠꦸꦧꦸꦭꦸꦱ꧀ꦱ꧀ꦥꦼꦂꦩꦠꦶꦏꦸꦱ꧀ꦲꦤꦎꦠꦺꦴꦠ꧀ꦏꦿꦺꦩꦱ꧀ꦠꦺꦂꦏꦁꦩꦤꦮꦏꦺꦴꦤ꧀ꦠꦿꦏ꧀ꦱꦶꦧꦏꦭ꧀ꦔꦁꦏꦠ꧀ꦠꦺꦱ꧀ꦠꦶꦱ꧀ꦚꦼꦫꦏꦶꦲꦮꦏ꧀꧈ꦪꦺꦤ꧀ꦱꦸꦲꦸꦠꦺꦱ꧀ꦠꦶꦱ꧀ꦢꦶꦢꦸꦤꦏꦺ꧈ꦎꦠꦺꦴꦠ꧀ꦏꦿꦼꦩꦱ꧀ꦠꦺꦂꦧꦏꦭ꧀ꦫꦺꦭꦏ꧀ꦱꦱꦶꦭꦤ꧀ꦧꦽꦚ꧀ꦗꦶꦭꦤ꧀ꦧꦏꦭ꧀ꦔꦼꦢꦺꦴꦲꦶꦲꦮꦏ꧀꧈ꦥ꦳ꦺꦤꦺꦴꦩꦺꦤꦲꦶꦏꦶꦢꦶꦏꦼꦤꦭ꧀ꦏꦤ꧀ꦛꦶꦱꦼꦧꦸꦠꦤ꧀ꦫꦺꦥ꦳꧀ꦭꦺꦏ꧀ꦱ꧀ꦏꦿꦺꦩꦱ꧀ꦠꦺꦂ꧉
꧋ꦏꦺꦮꦤ꧀ꦱꦭꦶꦪꦤꦺꦩꦩꦭꦶꦪꦲꦺꦴꦫꦢꦸꦮꦺꦠꦺꦱ꧀ꦠꦶꦱ꧀ꦲꦶꦁꦚ꧀ꦗꦧ꧉ꦩꦤꦸꦏ꧀꧈ꦏꦁꦱꦸꦲꦸꦲꦮꦏꦺꦢꦸꦮꦸꦂ꧈ꦢꦸꦮꦺꦠꦺꦱ꧀ꦠꦶꦱ꧀ꦲꦶꦁꦚ꧀ꦗꦼꦫꦺꦴꦤ꧀ꦲꦮꦏ꧀꧈ꦩꦶꦠꦸꦫꦸꦠ꧀ꦠꦺꦪꦺꦴꦫꦶꦥꦫꦄꦃꦭꦶ꧈ꦩꦤꦸꦏ꧀ꦩꦶꦒꦸꦤꦏꦏꦺꦏꦤ꧀ꦛꦺꦴꦁꦈꦢꦫꦤꦺꦏꦁꦒꦺꦴꦚ꧀ꦗꦒꦱꦸꦲꦸꦎꦥ꧀ꦠꦶꦩꦭ꧀ꦠꦺꦱ꧀ꦠꦶꦱ꧀꧈ꦤꦔꦶꦁꦲꦶꦁꦥꦤ꧀ꦭꦶꦠꦺꦤ꧀ꦱꦠꦺꦫꦸꦱꦺꦢꦶꦱꦼꦧꦸꦠꦏꦺꦩꦤꦮꦠꦺꦱ꧀ꦠꦶꦱ꧀ꦩꦤꦸꦏ꧀ꦥ꦳ꦸꦁꦱꦶꦤꦺꦧꦏꦭ꧀ꦲꦥꦶꦏ꧀ꦲꦶꦁꦱꦸꦲꦸꦲꦮꦏ꧀꧈
꧋ꦱꦩꦁꦱꦥꦸꦧꦼꦂꦠꦱ꧀꧈ꦧꦽꦚ꧀ꦗꦶꦭꦤ꧀ꦠꦸꦩꦸꦮꦸꦃꦏꦁꦒꦺꦴꦩꦶꦮꦶꦠꦶꦱ꧀ꦥꦺꦂꦩꦠꦺꦴꦒꦺꦤꦺꦱꦶꦱ꧀꧈ꦲꦸꦏꦸꦫꦤ꧀ꦠꦺꦱ꧀ꦠꦶꦱ꧀ꦒꦸꦩꦤ꧀ꦠꦸꦁꦲꦶꦁꦥꦿꦺꦴꦢꦸꦏ꧀ꦱꦶꦱ꧀ꦥꦺꦂꦩ(ꦲꦏꦺꦲꦺꦱ꧀ꦥꦺꦂꦩꦠꦺꦴꦒꦺꦤꦺꦱꦶꦱ꧀)꧈ꦕꦸꦮꦺꦫꦤ꧀ꦲꦶꦤ꧀ꦠꦺꦂꦱꦶꦱꦶꦪꦭ꧀꧈ꦭꦤ꧀ꦥꦿꦺꦴꦢꦸꦏ꧀ꦱꦶꦕꦸꦮꦺꦫꦤ꧀ꦱꦏꦱꦺꦭ꧀ꦱꦺꦂꦠꦺꦴꦭꦶ꧉
꧋ꦭꦸꦩꦿꦲꦺ꧈ꦭꦺꦴꦫꦺꦴꦧꦽꦚ꧀ꦗꦶꦭꦤ꧀ꦲꦶꦏꦸꦲꦺꦴꦫꦥꦢꦒꦼꦝꦺꦤꦺ꧉ꦧꦶꦱꦲꦸꦒꦱꦭꦃꦱꦶꦗꦶꦥꦥꦤꦺꦭꦸꦮꦶꦃꦔꦶꦱꦺꦴꦂꦠꦶꦤꦶꦩ꧀ꦥꦁꦱꦶꦗꦶꦤꦺ꧉ꦥꦼꦂꦏꦫꦲꦶꦏꦶꦲꦩꦂꦒꦧꦺꦢꦤꦺꦱ꧀ꦠꦿꦸꦏ꧀ꦠꦸꦂꦄꦤꦠꦺꦴꦩꦶꦱ꧀ꦥꦼꦩ꧀ꦧꦸꦭꦸꦃꦒꦼꦠꦶꦃꦲꦶꦁꦠꦺꦱ꧀ꦠꦶꦱ꧀ꦏꦶꦮꦭꦤ꧀ꦠꦼꦔꦼꦤ꧀꧈
Remove ads
ꦥ꦳ꦸꦁꦱꦶ
꧋ꦥꦼꦥꦫꦤꦺꦧꦽꦚ꧀ꦗꦶꦭꦤ꧀ꦲꦶꦏꦸꦲꦶꦁꦱꦶꦱ꧀ꦠꦼꦩ꧀ꦫꦺꦥꦿꦺꦴꦢꦸꦏ꧀ꦱꦶꦭꦤ꧀ꦱꦶꦱ꧀ꦠꦼꦩ꧀ꦌꦤ꧀ꦢꦺꦴꦏꦿꦶꦤ꧀꧉
ꦥ꦳ꦸꦁꦱꦶꦧꦽꦚ꧀ꦗꦶꦭꦤ꧀:
- ꦩꦿꦺꦴꦝꦸꦏ꧀ꦱꦶꦥꦼꦗꦸꦃ(ꦱ꧀ꦥꦼꦂꦩꦠꦺꦴꦗ꦳ꦺꦴꦮ)
- ꦩꦿꦺꦴꦝꦸꦏ꧀ꦱꦶꦲꦺꦴꦂꦩꦺꦴꦤ꧀ꦱꦼꦏ꧀ꦱ꧀ꦥꦿꦶꦪꦏꦪꦠꦼꦱ꧀ꦠꦺꦴꦱ꧀ꦠꦼꦫꦺꦴꦤ꧀꧉
꧋ꦏꦼꦂꦗꦤꦺꦧꦽꦚ꧀ꦗꦶꦭꦤ꧀ꦲꦶꦁꦱꦏ꧀ꦔꦶꦱꦺꦴꦫꦺꦥꦔꦮꦱꦤ꧀ꦲꦺꦴꦂꦩꦺꦴꦤ꧀ꦒꦺꦴꦤꦢꦺꦴꦠꦿꦺꦴꦥꦶꦏ꧀ꦱꦏꦏ꧀ꦭꦚ꧀ꦗꦼꦂꦥꦶꦠꦸꦮꦶꦠꦫꦶꦥꦺꦫꦔꦤ꧀ꦲꦤ꧀ꦠꦼꦫꦶꦪꦺꦴꦂ:
- ꦭꦸꦠꦼꦆꦤꦶꦗ꦳ꦶꦁꦲꦺꦴꦂꦩꦺꦴꦤꦺ (ꦭꦲ)
- ꦥ꦳ꦺꦴꦭ꧀ꦭꦶꦕ꧀ꦭꦼꦱ꧀ꦠꦶꦩꦸꦭꦠꦶꦁꦲꦺꦴꦂꦩꦺꦴꦤꦺ (ꦥ꦳ꦱꦲ)
ꦥꦶꦂꦱꦤꦤꦲꦸꦒ
| Sistem endokrin - sunting | |
|
Kelenjar adrenal | Corpus luteum | Hipotalamus | Ovarium | Pankreas | Kelenjar paratiroid | Kelenjar pineal | Kelenjar pituitari | Testis | Kelenjar tiroid |
Wikiwand - on
Seamless Wikipedia browsing. On steroids.
Remove ads