ꦱꦸꦠꦿ
From Wikipedia, the free encyclopedia
Remove ads
꧋ꦱꦸꦠꦿꦮꦸꦗꦸꦢ꧀ꦱꦼꦫꦠ꧀ꦥꦿꦺꦴꦠꦺꦆꦤ꧀ꦲꦭꦩꦶꦏꦁꦧꦶꦱꦢꦶꦠꦼꦤꦸꦤ꧀ꦢꦝꦶꦠꦺꦏ꧀ꦱ꧀ꦠꦶꦭ꧀꧉ꦗꦶꦤꦶꦱ꧀ꦱꦸꦠꦿꦏꦁꦥꦭꦶꦁꦲꦸꦩꦸꦩ꧀ꦪꦲꦶꦏꦸꦱꦸꦠꦿꦱꦏꦏꦺꦥꦺꦴꦩ꧀ꦥꦺꦴꦁꦏꦁꦢꦶꦲꦱꦶꦭꦏꦺꦭꦂꦮ꦳ꦈꦊꦂꦱꦸꦠꦿꦩꦸꦂꦧꦺꦪꦶ(ꦧꦺꦴꦩ꧀ꦧꦶꦏ꧀ꦱ꧀ꦩꦺꦴꦫꦶ)ꦏꦁꦢꦶꦠꦼꦂꦤꦏ꧀(ꦥꦠꦼꦂꦤꦏꦤ꧀ꦲꦸꦊꦂꦲꦶꦏꦸꦢꦶꦲꦫꦤꦶꦱꦼꦫꦶꦏꦸꦭ꧀ꦠꦸꦂ)꧉ꦱꦸꦠꦿꦢꦸꦮꦺꦠꦺꦏ꧀ꦱ꧀ꦠꦸꦂꦩꦸꦭꦸꦱ꧀꧈ꦊꦩ꧀ꦧꦸꦠ꧀꧈ꦤꦔꦶꦁꦠꦶꦢꦏ꧀ꦭꦶꦕꦶꦤ꧀꧈ꦫꦸꦥꦩꦼꦭꦶꦁꦩꦼꦭꦶꦁꦏꦁꦢꦝꦶꦢꦪꦠꦫꦶꦏ꧀ꦱꦸꦠꦿꦲꦱꦭꦺꦱꦏꦱ꧀ꦠꦿꦸꦏ꧀ꦠꦸꦂꦏꦪꦥꦿꦶꦱ꧀ꦩꦱꦼꦒꦶꦠꦶꦒꦱꦗꦼꦫꦺꦴꦤꦶꦁꦱꦼꦫꦠ꧀ꦩꦻꦴꦏꦁꦒꦮꦺꦏꦻꦤ꧀ꦱꦸꦠꦿꦧꦶꦱꦩ꧀ꦧꦶꦪꦱꦏꦺꦕꦲꦾꦱꦏꦩꦤꦺꦏꦥꦺꦴꦗꦺꦴꦏ꧀꧉
꧋"ꦱꦸꦠꦿꦲꦭꦱꦤ꧀"ꦢꦶꦲꦱꦶꦭꦏꦺꦢꦺꦤꦶꦁꦈꦊꦂꦱꦭꦶꦪꦤꦺꦲꦸꦊꦂꦱꦸꦠꦿꦩꦸꦂꦧꦺꦪꦶꦭꦤ꧀ꦧꦶꦱꦲꦸꦒꦢꦶꦲꦺꦴꦭꦃ꧉ꦩꦤꦺꦏꦱꦸꦠꦿꦲꦭꦱꦤ꧀ꦢꦶꦠꦼꦥꦸꦔꦶꦭꦤ꧀ꦢꦶꦒꦸꦤꦏꦏꦺꦲꦶꦁꦕꦶꦤ꧈ꦄꦱꦶꦪꦏꦶꦢꦸꦭ꧀꧈ꦭꦤ꧀ꦌꦫꦺꦴꦥꦃꦮꦶꦮꦶꦠ꧀ꦧꦶꦪꦺꦤ꧀꧈ꦤꦔꦶꦁꦱ꧀ꦏꦭꦥꦿꦺꦴꦢꦸꦏ꧀ꦱꦶꦤꦺꦩꦼꦱ꧀ꦛꦶꦲꦢꦺꦴꦃꦭꦸꦮꦶꦃꦕꦶꦭꦶꦏ꧀ꦠꦶꦤꦶꦩ꧀ꦧꦁꦱꦸꦠꦿꦠꦼꦂꦤꦏꦤ꧀꧈ꦱꦸꦠꦿꦲꦭꦱꦤ꧀ꦧꦺꦢꦱꦏꦱꦸꦠꦿꦠꦼꦂꦤꦏꦤ꧀ꦱꦏꦱꦶꦱꦶꦃꦮꦂꦤꦭꦤ꧀ꦠꦺꦏ꧀ꦱ꧀ꦠꦸꦂ꧈ꦱꦂꦠꦏꦼꦥꦺꦴꦩ꧀ꦥꦺꦴꦁꦲꦭꦱꦤ꧀ꦏꦁꦢꦶꦏ꧀ꦭꦸꦩ꧀ꦥꦸꦏꦏꦺꦭꦸꦩꦿꦲꦺꦮꦶꦱ꧀ꦢꦶꦫꦸꦱꦏ꧀ꦢꦺꦤꦶꦁꦔꦼꦔꦠ꧀ꦏꦁꦩꦼꦠꦸꦱꦢꦸꦫꦸꦔꦺꦏꦼꦥꦺꦴꦩ꧀ꦥꦺꦴꦁꦩꦻꦴꦢꦶꦗꦸꦥꦸꦏ꧀꧈ꦱꦲꦺꦁꦒꦧꦺꦴꦭꦃꦱꦸꦠꦿꦏꦁꦩ꧀ꦧꦼꦤ꧀ꦠꦸꦏ꧀ꦏꦼꦥꦺꦴꦩ꧀ꦥꦺꦴꦁꦲꦶꦏꦸꦮꦶꦱ꧀ꦥꦼꦢꦺꦴꦠ꧀ꦢꦝꦶꦕꦼꦤ꧀ꦝꦏ꧀꧈ꦲꦸꦊꦂꦱꦸꦠꦿꦠꦼꦂꦤꦏꦤ꧀ꦢꦶꦥꦠꦺꦤꦶꦏꦤ꧀ꦛꦶꦢꦶꦕ꧀ꦭꦸꦥ꧀ꦩꦼꦚꦁꦧꦚꦸꦲꦸꦩꦸꦧ꧀ꦱꦢꦸꦫꦸꦔꦺꦩꦼꦠꦸꦤꦺꦔꦼꦔꦠ꧀ꦢꦮꦱ꧈ꦲꦸꦠꦮꦢꦶꦕꦺꦴꦧ꧀ꦭꦺꦴꦱ꧀ꦔꦁꦒꦺꦴꦢꦺꦴꦩ꧀꧈ꦱꦲꦺꦁꦒꦏꦧꦺꦃꦏꦼꦥꦺꦴꦩ꧀ꦥꦺꦴꦁꦧꦶꦱꦢꦶꦲꦸꦫꦻꦢꦝꦶꦱꦲꦼꦭꦻꦧꦺꦴꦭꦃꦏꦁꦲꦺꦴꦫꦥꦼꦢꦺꦴꦠ꧀꧈ꦲꦶꦏꦶꦩꦫꦏꦏꦺꦱꦸꦠꦿꦧꦶꦱꦢꦶꦠꦼꦤꦸꦤ꧀ꦢꦝꦶꦏꦻꦤ꧀ꦏꦁꦭꦸꦮꦶꦃꦏꦸꦮꦠ꧀꧈ꦱꦸꦠꦿꦲꦭꦱꦤ꧀ꦭꦸꦩꦿꦲꦺꦲꦸꦒꦭꦸꦮꦶꦃꦲꦔꦺꦭ꧀ꦢꦶꦕ꧀ꦭꦸꦥ꧀ꦮꦂꦤꦠꦶꦤꦶꦩ꧀ꦧꦁꦱꦸꦠꦿꦠꦼꦂꦤꦏꦤ꧀꧈
꧋ꦱꦸꦠꦿꦲꦸꦒꦢꦶꦲꦱꦶꦭꦏꦺꦢꦺꦤꦶꦁꦱꦥꦺꦫꦔꦤ꧀ꦗꦶꦤꦶꦱ꧀ꦒꦺꦒꦿꦺꦩꦺꦠ꧀ꦭꦶꦪ꧈ꦤꦔꦶꦁꦩꦸꦁꦗꦶꦤꦶꦱ꧀ꦱꦸꦠꦿꦱꦏꦲꦸꦊꦂꦱꦸꦠꦿꦏꦁꦒꦮꦺꦠꦺꦏ꧀ꦱ꧀ꦠꦶꦭ꧀꧈ꦠꦻꦴꦲꦸꦒꦢꦶꦭꦏꦺꦴꦏꦏꦺꦏꦗꦶꦪꦤ꧀ꦠꦸꦩꦿꦥ꧀ꦱꦸꦠꦿꦱꦸꦠꦿꦭꦶꦪꦏꦁꦔꦼꦠꦺꦴꦏꦏꦺꦥꦿꦧꦺꦢꦤ꧀ꦱꦏꦲꦱ꧀ꦥꦺꦏ꧀ꦩꦺꦴꦭꦺꦏꦸꦭ꧀꧉ꦱꦸꦠꦿꦢꦶꦲꦱꦶꦭꦏꦺꦩ꧀ꦭꦶꦒꦶꦢꦺꦤꦶꦁꦭꦂꦮ꦳ꦒꦼꦒꦿꦼꦩꦼꦠ꧀ꦏꦁꦔꦭꦩꦶꦩꦺꦠꦩꦺꦴꦂꦥ꦳ꦺꦴꦱꦶꦱ꧀ꦗꦁꦏꦺꦥ꧀꧈ꦤꦔꦶꦁꦲꦸꦒꦢꦶꦲꦱꦶꦭꦏꦺꦢꦺꦤꦶꦁꦱꦥꦺꦫꦔꦤ꧀ꦒꦼꦒꦿꦼꦩꦼꦠ꧀ꦢꦶꦮꦱꦏꦪꦢꦺꦤꦺꦌꦩ꧀ꦧꦶꦪꦺꦴꦥ꧀ꦠꦺꦫ꧉ꦥꦿꦺꦴꦢꦸꦏ꧀ꦱꦶꦱꦸꦠꦿꦲꦸꦒꦏꦼꦉꦥ꧀ꦢꦶꦠꦼꦩꦺꦴꦤꦶꦩ꧀ꦭꦶꦒꦶꦲꦶꦁꦒꦼꦒꦽꦩꦼꦠ꧀ꦲꦺꦴꦂꦢꦺꦴꦲ꧀ꦪ꧀ꦩꦺꦤꦺꦴꦥ꧀ꦠꦺꦫ(ꦭꦺꦧꦃ꧈ꦠꦧꦸꦲꦤ꧀꧈ꦭꦤ꧀ꦱꦺꦩꦸꦠ꧀)꧈ꦭꦤ꧀ꦱꦺꦴꦏ꧀ꦱꦺꦴꦏ꧀ꦩꦶꦤꦁꦏꦒꦮꦺꦱꦸꦱꦸꦃ꧉ꦗꦶꦤꦶꦱ꧀ꦗꦶꦤꦶꦱ꧀ꦄꦂꦛꦿꦺꦴꦥꦺꦴꦢꦏꦁꦭꦶꦪꦲꦸꦒꦔꦱꦶꦭꦏꦺꦱꦸꦠꦿ꧈ꦩ꧀ꦭꦶꦒꦶꦄꦫꦕ꧀ꦲ꧀ꦤꦶꦢꦏꦪꦢꦺꦤꦺꦭꦧꦭꦧ꧉
Remove ads
ꦥꦿꦤꦭꦚ꧀ꦗꦧ
 |
Wikimedia Commons duwé médhia ngenani Silk. |
Wikiwand - on
Seamless Wikipedia browsing. On steroids.
Remove ads