ꦱꦼꦏꦺꦴꦠꦺꦁ

ꦱꦼꦏꦺꦴꦠꦺꦁ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦗꦶꦤꦶꦱ꧀ ꦲꦺꦴꦩ꧀ꦧꦺꦤ꧀-ꦲꦺꦴꦩ꧀ꦧꦺꦤ꧀ ꦠꦿꦣꦶꦱꦶꦪꦺꦴꦤꦭ꧀ ꦏꦱ꧀ ꦗꦮ ꦠꦼꦔꦃ. ꦱꦼꦏꦺꦴꦠꦺꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦧꦲꦤ꧀ ꦣꦱꦂ ꦗꦲꦺ ꦭꦗꦼꦁ ꦢꦶꦥꦸꦤ꧀ꦱꦸꦏꦤꦶ ꦒꦼꦤ꧀ꦝꦶꦱ꧀ ꦥꦱꦶꦂ ꦱꦲ ꦲꦸꦧꦫꦩ꧀ꦥꦺ ꦱꦤꦺꦱ꧀ꦱꦶꦥꦸꦤ꧀. ꦲꦸꦚ꧀ꦗꦸꦏ꧀ꦏꦤ꧀ ꦱꦼꦏꦺꦴꦠꦺꦁ ꦥꦸꦤꦶꦏ ꦲꦺꦕꦤꦶꦥꦸꦤ꧀ ꦩꦤꦮꦶ ꦢꦶꦥꦸꦤ꧀ꦲꦸꦚ꧀ꦗꦸꦏ꧀ ꦤꦭꦶꦏ ꦠꦏ꧀ꦱꦶꦃ ꦧꦼꦤ꧀ꦠꦺꦂ ꦢꦢꦺꦴꦱ꧀ ꦱꦒꦼꦢ꧀ ꦢꦩꦼꦭ꧀ ꦧꦢꦤ꧀ ꦏꦿꦲꦺꦴꦱ꧀ ꦲꦔꦼꦠ꧀. ꦧꦲꦤ꧀-ꦧꦲꦤ꧀ ꦱꦤꦺꦱ꧀ꦱꦶꦥꦸꦤ꧀ ꦲꦶꦁꦏꦁ ꦲꦱꦿꦶꦁ ꦢꦶꦥꦸꦚ꧀ꦕꦩ꧀ꦥꦸꦂ ꦮꦺꦴꦤ꧀ꦠꦼꦤ꧀ ꦲꦶꦁ ꦱꦼꦏꦺꦴꦠꦺꦁ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦮꦺꦴꦤ꧀ꦠꦼꦤ꧀ ꦏꦕꦁ ꦲꦶꦗꦺꦴ, ꦏꦕꦁ ꦧꦿꦺꦴꦭ꧀, ꦥꦕꦂ ꦕꦶꦤ, ꦱꦲ ꦫꦺꦴꦠꦶ ꦲꦶꦁꦏꦁ ꦢꦶꦥꦸꦤ꧀ꦲꦶꦫꦶꦱ꧀ ꦲꦭꦶꦠ꧀-ꦲꦭꦶꦠ꧀. ꦭꦶꦩꦿꦃꦲꦶꦥꦸꦤ꧀ ꦱꦼꦏꦺꦴꦠꦺꦁ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀ ꦲꦶꦁ ꦮꦼꦏ꧀ꦢꦭ꧀ ꦢꦭꦸ. ꦱꦼꦏꦺꦴꦠꦺꦁ ꦭꦶꦩꦿꦃꦲꦶꦥꦸꦤ꧀ ꦢꦶꦥꦸꦤ꧀ꦱꦢꦺ ꦔꦁꦒꦺ ꦒꦿꦺꦴꦧꦒ꧀ ꦥꦶꦏꦸꦭ꧀ ꦲꦶꦁꦏꦁ ꦱꦶꦱꦶꦃ ꦱꦠꦸꦁꦒꦭ꧀ ꦏꦁꦒꦺ ꦥꦥꦤ꧀ ꦥꦚ꧀ꦕꦶ ꦲꦶꦱꦶ ꦠꦺꦴꦪ ꦗꦲꦺ ꦱꦏꦺꦴꦩꦥꦺꦴꦂꦫꦶꦥꦸꦤ꧀, ꦲꦶꦁꦏꦁ ꦱꦶꦱꦶꦃ ꦱꦠꦸꦁꦒꦭ꧀ꦭꦶꦥꦸꦤ꧀ ꦏꦁꦒꦺ ꦥꦥꦤ꧀ ꦢꦺꦏꦺꦏ꧀ꦏꦏꦼꦤ꧀ ꦧꦲꦤ꧀-ꦧꦲꦤ꧀ ꦕꦩ꧀ꦥꦸꦂꦫꦤ꧀ ꦱꦼꦏꦺꦴꦠꦺꦁ ꦱꦲ ꦥꦥꦤ꧀ ꦏꦁꦒꦺ ꦔꦿꦕꦶꦏ꧀ ꦱꦼꦏꦺꦴꦠꦺꦁ.

Aksara Latin

ꦗꦮ

ꦱꦼꦏꦺꦴꦠꦺꦁ

ꦧꦲꦤ꧀-ꦧꦲꦤ꧀ ꦏꦁꦒꦺ ꦢꦩꦼꦭ꧀ ꦱꦼꦏꦺꦴꦠꦺꦁ

ꦧꦲꦤ꧀-ꦧꦲꦤ꧀ꦤꦶꦥꦸꦤ꧀

ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦢꦸꦢꦸꦃ ꦱꦼꦏꦺꦴꦠꦺꦁꦔꦶꦥꦸꦤ꧀ ꦲꦶꦁꦒꦶꦃ ꦥꦸꦤꦶꦏ ꦏꦢꦺꦴꦱ꧀ ꦩꦏꦠꦼꦤ꧀:^[1]

• 300 ml ꦠꦺꦴꦪ
• 200 gr ꦒꦼꦤ꧀ꦝꦶꦱ꧀ ꦥꦱꦶꦂ
• 50 gr ꦗꦲꦺ ꦢꦶꦥꦸꦤ꧀ꦲꦶꦫꦶꦱ꧀ ꦲꦭꦶꦠ꧀-ꦲꦭꦶꦠ꧀ ꦭꦗꦼꦁ ꦢꦶꦥꦸꦤ꧀ꦒꦼꦥꦿꦏ꧀
• 5 ꦊꦩ꧀ꦧꦂ ꦫꦺꦴꦤ꧀ ꦥꦤ꧀ꦝꦤ꧀
• 3 ꦮꦸꦠꦶꦂ ꦲꦢꦱ꧀ ꦥꦸꦭꦺꦴꦮꦫꦱ꧀
• 3 cm ꦏꦪꦸ ꦊꦒꦶ

ꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦧꦼꦠꦃꦲꦏꦼꦤ꧀ ꦏꦁꦒꦺ ꦢꦩꦼꦭ꧀ ꦢꦸꦢꦸꦃ ꦱꦼꦏꦺꦴꦠꦺꦁꦔꦶꦥꦸꦤ꧀ ꦲꦶꦁꦒꦶꦃ ꦥꦸꦤꦶꦏ ꦏꦢꦺꦴꦱ꧀ ꦤꦏꦠꦼꦤ꧀ :^[2]

• 2 ꦏꦼꦧꦺꦠ꧀ ꦫꦺꦴꦠꦶ ꦠꦮꦂ ꦠꦤ꧀ꦥ ꦏꦸꦭꦶꦠ꧀, ꦢꦶꦥꦸꦤ꧀ꦏꦼꦛꦺꦴꦏ꧀ ꦲꦭꦶꦠ꧀-ꦲꦭꦶꦠ꧀
• 50 gr ꦏꦕꦁ ꦊꦩꦃ ꦢꦶꦥꦸꦤ꧀ꦒꦁꦱ
• 50 gr ꦏꦕꦁ ꦲꦶꦗꦺꦴ, ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦔꦤ꧀ꦠꦺꦴꦱ꧀ ꦲꦼꦩ꧀ꦥꦸꦏ꧀
• 50 gr ꦏꦺꦴꦭꦁ ꦏꦭꦶꦁ, ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦔꦤ꧀ꦠꦺꦴꦱ꧀ ꦲꦼꦩ꧀ꦥꦸꦏ꧀ ꦲꦸꦒꦶ
• 50 gr ꦥꦕꦂ ꦕꦶꦤ, ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦔꦤ꧀ꦠꦺꦴꦱ꧀ ꦲꦼꦩ꧀ꦥꦸꦏ꧀ ꦲꦸꦒꦶ
• ꦱꦸꦱꦸ ꦏꦼꦤ꧀ꦛꦼꦭ꧀ ꦊꦒꦶ

ꦕꦫꦤꦶꦥꦸꦤ꧀ ꦢꦩꦼꦭ꧀

ꦕꦫꦤꦶꦥꦸꦤ꧀ ꦢꦩꦼꦭ꧀ ꦮꦺꦢꦁ ꦱꦼꦏꦺꦴꦠꦺꦁ ꦥꦸꦤꦶꦏ ꦒꦩ꧀ꦥꦶꦭ꧀ ꦱꦔꦼꦠ꧀, ꦤꦥ ꦩꦭꦶꦃ ꦱꦥꦸꦤꦶꦏ ꦱꦩ꧀ꦥꦸꦤ꧀ ꦮꦺꦴꦤ꧀ꦠꦼꦤ꧀ ꦱꦼꦏꦺꦴꦠꦺꦁ ꦲꦶꦁꦏꦁ ꦮꦸꦁꦏꦸꦱ꧀ꦱꦤ꧀ ꦲꦶꦁꦏꦁ ꦤꦩꦸꦁ ꦏꦤ꧀ꦠꦸꦤ꧀ ꦢꦶꦥꦸꦤ꧀ꦱꦸꦏꦤꦶ ꦗꦫꦁ ꦥꦤꦱ꧀ ꦏꦺꦩꦮꦺꦴꦤ꧀ ꦠꦤ꧀ꦥ ꦥꦽꦭꦸ ꦔꦿꦕꦶꦏ꧀ ꦱꦠꦸꦁꦒꦭ꧀-ꦱꦠꦸꦁꦒꦭ꧀ ꦧꦲꦤ꧀-ꦧꦲꦤ꧀ꦤꦶꦥꦸꦤ꧀. ꦢꦺꦤꦺ ꦕꦫꦤꦶꦥꦸꦤ꧀ ꦢꦩꦼꦭ꧀ ꦮꦺꦢꦁ ꦱꦼꦏꦺꦴꦠꦺꦁ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:

1. ꦠꦺꦴꦪ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀ ꦱꦉꦁ ꦒꦼꦤ꧀ꦝꦶꦱ꧀ ꦥꦱꦶꦂ, ꦗꦲꦺ, ꦫꦺꦴꦤ꧀ ꦥꦤ꧀ꦝꦤ꧀, ꦲꦢꦱ꧀, ꦱꦲ ꦏꦪꦸ ꦊꦒꦶ. ꦩꦤꦮꦶ ꦱꦩ꧀ꦥꦸꦤ꧀ ꦲꦸꦩꦸꦧ꧀ ꦭꦗꦼꦁ ꦢꦶꦥꦸꦤ꧀ꦲꦁꦏꦠ꧀ ꦭꦤ꧀ ꦱꦒꦼꦢ꧀ ꦢꦶꦥꦸꦤ꧀ꦱꦶꦱꦶꦃꦲꦏꦼꦤ꧀ ꦫꦸꦩꦶꦪꦶꦤ꧀.
2. ꦩꦼꦤ꧀ꦝꦼꦠ꧀ ꦱꦏꦼꦣꦶꦏ꧀-ꦱꦏꦼꦣꦶꦏ꧀ ꦱꦢꦪ ꦧꦲꦤ꧀-ꦧꦲꦤ꧀ ꦏꦁꦒꦺ ꦲꦶꦱꦶꦤꦶꦥꦸꦤ꧀ ꦭꦗꦼꦁ ꦢꦶꦥꦸꦤ꧀ꦠꦠ ꦮꦺꦴꦤ꧀ꦠꦼꦤ꧀ ꦲꦶꦁ ꦩꦁꦏꦺꦴꦏ꧀ ꦲꦭꦶꦠ꧀, ꦭꦤ꧀ ꦢꦸꦢꦸꦃ ꦱꦼꦏꦺꦴꦠꦺꦁ ꦲꦶꦁꦏꦁ ꦠꦏ꧀ꦱꦶꦃ ꦥꦤꦱ꧀ ꦱꦒꦼꦢ꧀ ꦢꦶꦥꦸꦤ꧀ꦭꦼꦧꦼꦠ꧀ꦠꦏꦼꦤ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦩꦁꦏꦺꦴꦏ꧀ ꦮꦲꦸ. ꦧꦣꦺ ꦭꦁꦏꦸꦁ ꦲꦺꦕ ꦢꦶꦥꦸꦤ꧀ꦱꦩꦺꦏ꧀ꦠꦏ꧀ꦏꦏꦼꦤ꧀ ꦤꦭꦶꦏ ꦠꦏ꧀ꦱꦶꦃ ꦧꦼꦤ꧀ꦠꦺꦂ ꦱꦼꦏꦺꦴꦠꦺꦁꦔꦶꦥꦸꦤ꧀.