ꦲꦏ꧀ꦱꦫꦤꦸꦱꦤ꧀ꦠꦫ
From Wikipedia, the free encyclopedia
Remove ads
꧋ꦲꦏ꧀ꦱꦫꦤꦸꦱꦤ꧀ꦠꦫꦲꦶꦏꦸꦩꦺꦤꦺꦏꦮꦂꦤꦄꦏ꧀ꦱꦫ/ꦠꦸꦭꦶꦱꦤ꧀ꦱꦶꦁꦤꦠꦺꦢꦶꦒꦸꦤꦏꦏꦺꦲꦶꦁꦤꦸꦱꦤ꧀ꦠꦫꦱꦢꦸꦫꦸꦔꦺꦢꦶꦏꦼꦤꦭ꧀ꦲꦏ꧀ꦱꦫꦄꦫꦧ꧀ꦭꦤ꧀ꦲꦏ꧀ꦱꦫꦭꦠꦶꦤ꧀꧈ꦱꦼꦏꦫꦸꦤꦸꦠꦤ꧀ꦱꦶꦁꦧꦶꦱꦢꦶꦒꦪꦸꦃ꧈ꦥꦫꦊꦭꦸꦲꦸꦂꦧꦁꦱꦆꦤ꧀ꦝꦺꦴꦤꦺꦱꦶꦪꦩꦶꦒꦸꦤꦏꦏꦺꦲꦏ꧀ꦱꦫꦲꦏ꧀ꦱꦫꦲꦶꦏꦸꦢꦶꦒꦸꦤꦏꦏꦺꦔꦤ꧀ꦠꦶꦄꦧꦢ꧀ꦏꦥꦶꦁ꧇꧔꧇꧈ꦏꦤ꧀ꦛꦶꦔꦿꦸꦗꦸꦏ꧀ꦩꦫꦁꦠꦶꦁꦒꦭꦤ꧀ꦥꦿꦱꦱ꧀ꦠꦶꦥꦿꦱꦱ꧀ꦠꦿꦶꦭꦤ꧀ꦤꦱ꧀ꦏꦃꦏꦫꦗꦤ꧀ꦱꦶꦁꦮꦶꦱ꧀ꦭꦶꦮꦠ꧀꧈
Remove ads
ꦧꦼꦧꦸꦏ
꧋ꦲꦏ꧀ꦱꦫꦲꦏ꧀ꦱꦫꦤꦸꦱꦤ꧀ꦠꦫꦩꦶꦤꦁꦏꦠꦸꦫꦸꦤꦤ꧀ꦱꦏꦲꦏ꧀ꦱꦫꦥꦭ꧀ꦭꦮꦱꦶꦁꦔꦿꦼꦩ꧀ꦧꦏꦲꦶꦁꦆꦤ꧀ꦝꦶꦪꦱꦶꦱꦶꦃꦏꦶꦢꦸꦭ꧀꧈ꦄꦏ꧀ꦱꦫꦥꦭ꧀ꦭꦮꦢꦺꦮꦺꦩꦶꦤꦁꦏꦠꦸꦫꦸꦤꦤ꧀ꦱꦏꦲꦏ꧀ꦱꦫꦧꦿꦃꦩꦶ꧉ꦲꦏ꧀ꦱꦫꦧꦿꦃꦩꦶꦲꦶꦏꦶꦕꦶꦏꦭ꧀ꦧꦏꦭꦺꦏꦧꦺꦃꦲꦏ꧀ꦱꦫꦲꦶꦁꦮꦼꦮꦼꦁꦏꦺꦴꦤ꧀ꦄꦱꦶꦪꦏꦶꦢꦸꦭ꧀ꦭꦤ꧀ꦄꦱꦶꦪꦠꦼꦁꦒꦫ꧉
꧋ꦧꦸꦏ꧀ꦠꦶꦠꦸꦮꦢꦺꦮꦺꦔꦼꦤꦤꦶꦲꦤꦤꦺꦲꦏ꧀ꦱꦫꦤꦸꦱꦤ꧀ꦠꦫꦲꦶꦏꦸꦮꦸꦗꦸꦢ꧀ꦥꦶꦠꦸꦁꦪꦸꦥ(ꦱꦏꦮꦠꦸꦏꦁꦒꦺꦴꦚꦼꦚ꧀ꦕꦁꦠꦭꦶꦱꦥꦶ)ꦱꦶꦁꦲꦤꦠꦸꦭꦶꦱꦤ꧀ꦥꦿꦱꦱ꧀ꦠꦶꦔꦼꦤꦤꦶꦲꦸꦥꦕꦫ‘’ꦮꦥꦿꦏꦺꦱ꧀ꦮꦫ’’ꦱꦶꦁꦢꦶꦲꦢꦤꦶꦢꦺꦤꦶꦁꦩꦸꦭꦮꦂꦩ꧀ꦩꦤ꧀꧈ꦫꦗꦏꦸꦠꦻꦲꦶꦁꦮꦼꦮꦼꦁꦏꦺꦴꦤ꧀(ꦱꦲꦶꦏꦶ)ꦏꦭꦶꦩꦤ꧀ꦠꦤ꧀ꦮꦺꦠꦤ꧀꧉ꦠꦸꦭꦶꦱꦤ꧀ꦲꦶꦁꦪꦸꦥꦆꦏꦸꦩꦶꦒꦸꦤꦏꦏꦺꦲꦏ꧀ꦱꦫꦥꦭ꧀ꦭꦮꦏꦤ꧀ꦛꦶꦧꦱꦱꦤ꧀ꦱꦼꦏꦼꦂꦠ꧉ꦲꦢꦼꦢꦱꦂꦥꦿꦠꦶꦗꦺꦴꦩꦫꦁꦮꦸꦗꦸꦢ꧀ꦲꦏ꧀ꦱꦫꦤꦺ꧈ꦥꦫꦄꦃꦭꦶꦥꦸꦂꦧꦏꦭꦚꦶꦥꦠꦶꦪꦺꦤ꧀ꦪꦸꦥꦲꦶꦏꦸꦢꦶꦒꦮꦺꦄꦧꦢ꧀ꦏꦥꦶꦁ꧇꧔꧇꧉
꧋ꦲꦏ꧀ꦱꦫꦲꦏ꧀ꦱꦫꦤꦸꦱꦤ꧀ꦠꦫꦲꦶꦏꦸꦢꦺꦮꦺꦮꦶꦱ꧀ꦚꦼꦣꦏꦶꦲꦶꦭꦁꦭꦤ꧀ꦲꦺꦴꦫꦤꦠꦺꦏꦁꦒꦺꦴꦲꦸꦫꦶꦥ꧀ꦥꦢꦶꦤꦤ꧀꧈ꦱꦮꦺꦠꦫꦥꦩꦫꦶꦤ꧀ꦠꦃꦭꦭꦢꦤ꧀ꦚꦺꦴꦧꦔ꧀ꦭꦺꦱ꧀ꦠꦫꦺꦏꦏꦺꦠꦶꦁꦒꦭꦤ꧀ꦏꦧꦸꦢꦪꦤ꧀ꦲꦶꦏꦸ꧉
Remove ads
ꦲꦏ꧀ꦱꦫꦤꦸꦱꦤ꧀ꦠꦫꦲꦱ꧀ꦭꦶ
ꦗꦩꦤ꧀ꦏ꧀ꦭꦱꦶꦏ꧀:
- ꦲꦏ꧀ꦱꦫꦥꦭ꧀ꦭꦮ
- ꦲꦏ꧀ꦱꦫꦱꦶꦢ꧀ꦢꦩꦠ꧀ꦫ꧀ꦏ
- ꦲꦏ꧀ꦱꦫꦏꦮꦶ(ꦲꦏ꧀ꦱꦫꦗꦮꦏꦸꦤ)
ꦗꦩꦤ꧀ꦥꦼꦂꦠꦼꦔꦲꦤ꧀:
- ꦲꦏ꧀ꦱꦫꦧꦸꦢ
- ꦲꦏ꧀ꦱꦫꦱꦸꦤ꧀ꦝꦏꦸꦤ
- ꦲꦏ꧀ꦱꦫꦥꦿꦺꦴꦠꦺꦴꦱꦸꦩꦠꦿ
ꦗꦩꦤ꧀ꦏꦺꦴꦭꦺꦴꦤꦶꦪꦭ꧀:
- ꦲꦏ꧀ꦱꦫꦧꦠꦏ꧀(ꦱꦸꦫꦠ꧀ꦧꦠꦏ꧀)
- ꦲꦏ꧀ꦱꦫꦫꦺꦚ꧀ꦕꦺꦴꦁ(ꦲꦏ꧀ꦱꦫꦏꦼꦫꦶꦚ꧀ꦕꦶ)
- ꦲꦏ꧀ꦱꦫꦭꦩ꧀ꦥꦸꦁ(ꦲꦢ꧀ꦭꦥ꧀ꦥꦸꦁ)
- ꦲꦏ꧀ꦱꦫꦗꦮ(ꦲꦏ꧀ꦱꦫꦗꦮꦲꦚꦂ/ꦲꦤꦕꦫꦏ)
- ꦲꦏ꧀ꦱꦫꦧꦭꦶ
- ꦲꦏ꧀ꦱꦫꦭꦺꦴꦤ꧀ꦠꦫ(ꦲꦏ꧀ꦱꦫꦧꦸꦒꦶꦱ꧀ꦩꦏꦱ꧀ꦱꦂ)
- ꦲꦏ꧀ꦱꦫꦧꦻꦧꦪꦶꦤ꧀
- ꦲꦏ꧀ꦱꦫꦧꦸꦲꦶꦢ꧀
- ꦲꦏ꧀ꦱꦫꦲꦤꦸꦤꦺꦴ’ꦎ
- ꦲꦏ꧀ꦱꦫꦠꦒ꧀ꦧꦤ꧀ꦮ
ꦗ꦳ꦩꦤ꧀ꦩꦺꦴꦢꦺꦉꦤ꧀:
- ꦲꦏ꧀ꦱꦫꦱꦸꦤ꧀ꦝꦧꦏꦸ
ꦲꦺꦴꦮꦃꦲꦺꦴꦮꦃꦲꦤ꧀ꦲꦏ꧀ꦱꦫꦥꦭ꧀ꦭꦮꦢꦝꦶꦲꦏ꧀ꦱꦫꦤꦸꦱꦤ꧀ꦠꦫ
ꦮ꦳ꦫꦶꦪꦱꦶ
꧋ꦩꦤꦸꦠ꧀ꦲꦶꦭꦶꦤꦶꦁꦗꦩꦤ꧀꧈ꦧꦸꦢꦪ꧈ꦭꦤ꧀ꦧꦱꦩꦱꦫꦏꦠ꧀꧈ꦲꦏ꧀ꦱꦫꦥꦚ꧀ꦕꦺꦤ꧀ꦗꦩꦏ꧀ꦔꦭꦩꦶꦲꦺꦴꦮꦃꦲꦺꦴꦮꦲꦤ꧀ꦮꦸꦗꦸꦢ꧀꧈ꦗꦸꦩ꧀ꦭꦃ꧈ꦭꦤ꧀ꦲꦸꦤꦺꦤ꧀ꦲꦸꦤꦺꦤꦺ꧉ꦲꦺꦴꦮꦃꦲꦺꦴꦮꦃꦩꦻꦴꦠꦼꦠꦼꦥ꧀ꦲꦺꦴꦫꦔꦺꦴꦮꦲꦶꦪꦺꦤ꧀ꦠꦼꦫꦸꦱ꧀ꦢꦝꦶꦲꦏ꧀ꦱꦫꦲꦚꦂ꧉ꦲꦸꦥꦩꦤꦺ꧈ꦲꦏ꧀ꦱꦫꦲꦫꦧ꧀ꦱꦶꦁꦤꦸꦭꦶꦱ꧀ꦧꦱꦄꦫꦧ꧀ꦩꦸꦁꦧꦺꦢꦱꦶꦛꦶꦏ꧀ꦏꦫꦺꦴꦲꦏ꧀ꦱꦫꦄꦫꦧ꧀ꦱꦶꦁꦏꦁꦒꦺꦴꦤꦸꦭꦶꦱ꧀ꦧꦱꦩꦼꦭꦪꦸ꧉ꦩꦸꦭꦱꦏꦲꦶꦏꦸ꧈ꦢꦝꦶꦤꦺꦲꦏꦺꦃꦮ꦳ꦫꦶꦪꦱꦶꦤꦺ꧉
ꦲꦤꦱꦮꦠꦫꦮ꦳ꦫꦶꦪꦱꦶꦲꦏ꧀ꦱꦫꦤꦸꦱꦤ꧀ꦠꦫ꧈ꦲꦤ꧀ꦠꦫꦤꦺ:
- ꦮ꦳ꦫꦶꦪꦱꦶꦲꦏ꧀ꦱꦫꦏꦮꦶ(ꦲꦏ꧀ꦱꦫꦗꦮꦏꦸꦤ)
- ꦲꦏ꧀ꦱꦫꦏꦪꦸꦮꦔꦶ:ꦲꦏ꧀ꦱꦫꦲꦶꦏꦶꦩꦶꦤꦁꦏꦲꦏ꧀ꦱꦫꦏꦮꦶꦱꦶꦁꦢꦶꦠꦸꦭꦶꦱ꧀ꦏꦤ꧀ꦛꦶꦫꦸꦥꦧꦸꦤ꧀ꦢꦼꦂꦢꦼꦂꦩꦶꦫꦶꦁ꧉ꦢꦶꦱꦼꦧꦸꦠ꧀ꦲꦏ꧀ꦱꦫꦏꦪꦸꦮꦔꦶꦲꦩꦂꦒꦮ꦳ꦫꦶꦪꦱꦶꦲꦶꦏꦶꦲꦏꦺꦃꦢꦶꦠꦼꦩꦺꦴꦤꦶꦲꦶꦁꦥꦿꦱꦱ꧀ꦠꦶꦱꦏꦱꦢꦸꦫꦸꦔꦺꦭꦤ꧀ꦔꦤ꧀ꦠꦶꦗꦩꦤ꧀ꦥꦩꦫꦺꦤ꧀ꦠꦲꦤ꧀ꦫꦏꦻꦏꦪꦸꦮꦔꦶ꧈ꦫꦗꦩꦠꦫꦩ꧀(꧇꧘꧕꧕꧇–꧇꧘꧘꧕꧇)꧉ꦱꦮꦺꦠꦫꦄꦃꦭꦶꦌꦥꦶꦒꦿꦥ꦳ꦶ꧈ꦮ꦳ꦫꦶꦪꦱꦶꦲꦶꦏꦶꦢꦶꦲꦁꦒꦼꦥ꧀ꦮ꦳ꦫꦶꦪꦱꦶꦲꦏ꧀ꦱꦫꦏꦮꦶꦥꦭꦶꦁꦌꦤ꧀ꦢꦃ꧉
- ꦲꦏ꧀ꦱꦫꦏꦸꦮꦢꦿꦠ꧀:ꦲꦏ꧀ꦱꦫꦲꦶꦏꦶꦩꦶꦤꦁꦏꦲꦏ꧀ꦱꦫꦏꦮꦶꦱꦶꦁꦢꦶꦠꦸꦭꦶꦱ꧀ꦫꦸꦥꦲꦏ꧀ꦱꦫꦱꦶꦁꦏꦺꦴꦛꦏ꧀꧈ꦩꦸꦭꦱꦏꦲꦶꦏꦸꦲꦏ꧀ꦱꦫꦲꦶꦏꦸꦢꦶꦗꦼꦤꦼꦔꦶꦏꦸꦮꦢꦿꦠ꧀꧈ꦮ꦳ꦫꦶꦪꦱꦶꦲꦶꦏꦶꦲꦏꦺꦃꦢꦶꦠꦼꦩꦺꦴꦤꦶꦲꦶꦁꦆꦁꦥꦿꦱꦱ꧀ꦠꦶꦗꦩꦤ꧀ꦏꦫꦗꦤ꧀ꦏꦢꦶꦫꦶꦭꦤ꧀ꦏꦫꦗꦤ꧀ꦱꦶꦔꦱꦫꦶ꧉
- ꦲꦏ꧀ꦱꦫꦩꦗꦥꦲꦶꦠ꧀:ꦲꦏ꧀ꦱꦫꦲꦶꦏꦶꦩꦶꦤꦁꦏꦲꦏ꧀ꦱꦫꦏꦮꦶꦱꦶꦁꦱꦧꦼꦤ꧀ꦲꦏ꧀ꦱꦫꦤꦺꦢꦶꦠꦸꦭꦶꦱ꧀ꦏꦤ꧀ꦛꦶꦲꦏꦺꦃꦏꦼꦩ꧀ꦧꦔꦤ꧀ꦱꦲꦺꦁꦒꦲꦤꦏꦭꦤꦺꦢꦝꦶꦲꦔꦺꦭ꧀ꦢꦶꦮꦕ꧉ꦲꦏ꧀ꦱꦫꦲꦶꦏꦶꦲꦏꦺꦃꦠꦶꦤꦼꦩꦺꦴꦤ꧀ꦲꦶꦁꦗꦩꦤ꧀ꦏꦫꦗꦤ꧀ꦩꦗꦥꦲꦶꦠ꧀꧉
- ꦮ꦳ꦫꦶꦪꦱꦶꦲꦏ꧀ꦱꦫꦧꦠꦏ꧀
- ꦲꦏ꧀ꦱꦫꦠꦺꦴꦧ:ꦮ꦳ꦫꦶꦪꦱꦶꦲꦶꦏꦶꦩꦶꦤꦁꦏꦄꦏ꧀ꦱꦫꦧꦠꦏ꧀ꦏꦁꦒꦺꦴꦤꦸꦭꦶꦱ꧀ꦧꦱꦠꦺꦴꦧ꧉
- ꦲꦏ꧀ꦱꦫꦏꦫꦺꦴ:ꦮ꦳ꦫꦶꦪꦱꦶꦲꦶꦏꦶꦩꦶꦤꦁꦏꦲꦏ꧀ꦱꦫꦧꦠꦏ꧀ꦏꦁꦒꦺꦴꦤꦸꦭꦶꦱ꧀ꦧꦱꦏꦫꦺꦴ꧉
- ꦲꦏ꧀ꦱꦫꦢꦻꦫꦶ:ꦮ꦳ꦫꦶꦪꦱꦶꦲꦶꦏꦶꦩꦶꦤꦁꦏꦲꦏ꧀ꦱꦫꦧꦠꦏ꧀ꦏꦁꦒꦺꦴꦤꦸꦭꦶꦱ꧀ꦧꦱꦢꦻꦫꦶ꧉
- ꦲꦏ꧀ꦱꦫꦱꦶꦩꦭꦸꦔꦸꦤ꧀:ꦮ꦳ꦫꦶꦪꦱꦶꦲꦶꦏꦶꦩꦶꦤꦁꦏꦲꦏ꧀ꦱꦫꦧꦠꦏ꧀ꦏꦁꦒꦺꦴꦤꦸꦭꦶꦱ꧀ꦧꦱꦱꦶꦩꦭꦸꦔꦸꦤ꧀꧉
- ꦲꦏ꧀ꦱꦫꦩꦤ꧀ꦢꦻꦭꦶꦁ:ꦮ꦳ꦫꦶꦪꦱꦶꦲꦶꦏꦶꦩꦶꦤꦁꦏꦲꦏ꧀ꦱꦫꦧꦠꦏ꧀ꦏꦁꦒꦺꦴꦤꦸꦭꦶꦱ꧀ꦧꦱꦩꦤ꧀ꦢꦻꦭꦶꦁ꧉
- ꦮ꦳ꦫꦶꦪꦱꦶꦲꦏ꧀ꦱꦫꦭꦩ꧀ꦥꦸꦁ/ꦈꦭꦸ
- ꦲꦏ꧀ꦱꦫꦈꦭꦸꦏꦁꦒꦺꦴꦤꦸꦭꦶꦱ꧀ꦧꦱꦥꦺꦴꦕꦥꦤ꧀ꦥꦱꦺꦩꦃ
- ꦲꦏ꧀ꦱꦫꦈꦭꦸꦏꦁꦒꦺꦴꦤꦸꦭꦶꦱ꧀ꦧꦱꦥꦺꦴꦕꦥꦤ꧀ꦱꦼꦫꦮꦻ
- ꦲꦏ꧀ꦱꦫꦈꦭꦸꦏꦁꦒꦺꦴꦤꦸꦭꦶꦱ꧀ꦧꦱꦥꦺꦴꦕꦥꦤ꧀ꦭꦺꦩ꧀ꦧꦏ꧀
- ꦲꦏ꧀ꦱꦫꦈꦭꦸꦏꦁꦒꦺꦴꦤꦸꦭꦶꦱ꧀ꦧꦱꦥꦺꦴꦕꦥꦤ꧀ꦉꦗꦁ
- ꦮ꦳ꦫꦶꦪꦱꦶꦲꦏ꧀ꦱꦫꦗꦮ
- ꦲꦏ꧀ꦱꦫꦗꦮꦏꦁꦒꦺꦴꦤꦸꦭꦶꦱ꧀ꦧꦱꦗꦮꦲꦚꦂ꧉
- ꦲꦏ꧀ꦱꦫꦗꦮꦏꦁꦒꦺꦴꦤꦸꦭꦶꦱ꧀ꦧꦱꦗꦮꦏꦸꦤ꧉
- ꦲꦏ꧀ꦱꦫꦗꦮꦏꦁꦒꦺꦴꦤꦸꦭꦶꦱ꧀ꦧꦱꦗꦮꦥꦺꦴꦕꦥꦤ꧀ꦧꦤ꧀ꦠꦼꦤ꧀꧈
- ꦲꦏ꧀ꦱꦫꦗꦮꦏꦁꦒꦺꦴꦤꦸꦭꦶꦱ꧀ꦧꦱꦗꦮꦥꦺꦴꦕꦥꦤ꧀ꦕꦶꦉꦧꦺꦴꦤ꧀꧈
- ꦲꦏ꧀ꦱꦫꦗꦮꦏꦁꦒꦺꦴꦤꦸꦭꦶꦱ꧀ꦧꦱꦱꦸꦤ꧀ꦝ/ꦲꦏ꧀ꦱꦫꦱꦸꦤ꧀ꦝꦕꦕꦫꦏꦤ꧀꧈
- ꦮ꦳ꦫꦶꦪꦱꦶꦲꦏ꧀ꦱꦫꦧꦭꦶ
- ꦲꦏ꧀ꦱꦫꦧꦭꦶꦏꦁꦒꦺꦴꦤꦸꦭꦶꦱ꧀ꦧꦱꦧꦭꦶꦲꦚꦂ꧉
- ꦲꦏ꧀ꦱꦫꦧꦭꦶꦏꦁꦒꦺꦴꦤꦸꦭꦶꦱ꧀ꦧꦱꦧꦭꦶꦏꦸꦤ꧉
- ꦲꦏ꧀ꦱꦫꦧꦭꦶꦏꦁꦒꦺꦴꦤꦸꦭꦶꦱ꧀ꦧꦱꦱꦱꦏ꧀꧉
- ꦮ꦳ꦫꦶꦪꦱꦶꦲꦏ꧀ꦱꦫꦭꦺꦴꦤ꧀ꦠꦫ
- ꦲꦏ꧀ꦱꦫꦧꦸꦒꦶꦱ꧀:ꦮ꦳ꦫꦶꦪꦱꦶꦲꦶꦏꦶꦮꦸꦗꦸꦣ꧀ꦲꦏ꧀ꦱꦫꦭꦺꦴꦤ꧀ꦠꦫꦏꦁꦒꦺꦴꦤꦸꦭꦶꦱ꧀ꦧꦱꦧꦸꦒꦶꦱ꧀꧉
- ꦲꦏ꧀ꦱꦫꦩꦏꦱ꧀ꦱꦂ:ꦮ꦳ꦫꦶꦪꦱꦶꦲꦶꦏꦶꦮꦸꦗꦸꦣ꧀ꦲꦏ꧀ꦱꦫꦭꦺꦴꦤ꧀ꦠꦫꦏꦁꦒꦺꦴꦤꦸꦭꦶꦱ꧀ꦧꦱꦩꦏꦱ꧀ꦱꦂ꧉
Remove ads
ꦲꦏ꧀ꦱꦫꦭꦶꦪꦤꦺ
- ꦲꦸꦫꦸꦥ꦳꧀ꦄꦫꦧ꧀
- ꦲꦸꦫꦸꦥ꦳꧀ꦗꦮꦶ
- ꦥꦺꦒꦺꦴꦤ꧀
- ꦄꦧ꧀ꦗꦢ꧀ꦭꦠꦶꦤ꧀
- ꦌꦗꦄꦤ꧀ꦮ꦳ꦤ꧀ꦎꦥ꧀ꦲꦸꦮꦶꦗ꧀ꦱꦺꦤ꧀
- ꦌꦗꦄꦤ꧀ꦱꦸꦮꦤ꧀ꦢꦶ
- ꦌꦪꦢ
ꦲꦸꦒꦢꦼꦊꦁꦔꦼꦤ꧀
Wikiwand - on
Seamless Wikipedia browsing. On steroids.
Remove ads