Agus Suhartono

Laksamana TNI Agus Suhartono (lair ing Blitar, Jawa Timur, 25 Agustus 1955; umur 69 taun) iku Panglima Tentara Nasional Indonésia wiwit 28 September 2010 nganti 30 Agustus 2013.^[1] Sadurungé njabat minangka Kepala Staf TNI Angkatan Laut wiwit tanggal 9 November 2009 nganti 28 September 2010 nggantèkaké Laksamana TNI Tedjo Edhy Purdijatno.^[2]

Agus Suhartono
Pengabdian tumrap	Indonésia
Dines/cawang	TNI AL
Suwéné dines	1978-2013
Pangkat	Laksamana (-2009) Kepala Staf TNI AL (2009-2010) Panglima TNI (2010-2013)

Pendhidhikan

Agus Suhartono namataké pendhidhikan militèr ing Akademi Angkatan Laut (AAL) taun 1978.^[3] Saliyané iku, Agus Suhartono ngrampungaké pendhidhikan Sekolah Staf lan Komando TNI AL taun 1994, Sesko TNI taun 1999, lan Lembaga Ketahanan Nasional taun 2003.^[4]

Karier

Agus Suhartono tau njabat minangka Komandan Gugus Tempur Laut Koarmatim lan Asisten Operasi KSAL. Sadurungé diangkat dadi KSAL, njabat minangka Irjen Departemen Pertahanan.^[5] Laksamana Agus diajokaké déning Présidhèn RI Susilo Bambang Yudhoyono minangka calon tunggal Panglima TNI. Tanggal 27 September 2010, Agus Suhartono lolos uji kelayakan déning DPR lan diangkat dadi Panglima TNI.^[6]