Ivan Lanin

Ivan Lanin kang misuwur kanthi asma Ivan Razela Lanin (lair ing Jakarta, Indonésia, 16 Januari 1975; umur 50 taun)^[1] ya iku salah sawijiné juru internet saka Indonesia.^[3] Ivan Lanin misuwur mligi minangka aktivis kang mènèhi kampanye mendah wigatiné nggunakké basa Indonesia kang apik lan bener, sarta ngenalaké tembung-tembung saka basa Indonesia kang padha karo istilah-istilah basa manca nagara antarané liwat Facebook lan Twitter.^[4][5][6]

Ivan Lanin
Lair	Ivan Razela Lanin[1] (1975-01-16) Januari 16, 1975 (umur 50) Jakarta
Padunungan	Jakarta, Indonésia
Bangsa	Indonésia
Alma mater	Institut Teknologi Bandung Universitas Indonésia
Pakaryan	- Chief Technology Officer, APB Group - Editor Google Indonésia
Kondhang ing	- Aktivis Bahasa Indonésia - Pendiri Wikimedia Indonésia
Bojo	Ananda Prilianti[2]
Anak	Arka Baskara Lanin[2]
Sana jaringan	www.ivan.lanin.org

Riwayat

Ivan Lanin miwiti nulis ing Wikipédia basa Indonesia taun 2006 (ndhaptar kanti jeneng pangguna IvanLanin ing tanggal 18 Fèbruari 2006)^[7] liwat besutan kapisan ya iku kaca Pajak.^[8][9][10] Awit saka kuwi, dhèwèké neruské mbesut lan ngrintis kaca-kaca anyar ing Wikipédia nganggo bahasa Indonesia kang éndah.^[2] Taun 2007, dhèwèké nyawiji karo Milis Bahtera kang anggotane para pengamat basa Indonesia.^[4] Ing pungkasan taun Wikimedia Indonesia diyasa déning wong sangalas, ing antarané ya iku Ivan Lanin lan Revo Arka Giri Soekatno.^[11][12] Ing sajeroné Rapat Umum Anggota taun 2008, dhèwèké kapilih dadi Direktur Eksekutif Wikimedia Indonesia.^[11] Ivan mundur saka kalungguhan kuwi ing pungkasan taun 2009 jalaran kegiyatané.^[2] Tengah-tengah taun 2009, Ivan ditampa sekolah ing Magister Teknologi Informasi Universitas Indonesia.^[2] Ing kala mangsa kang meh barengan, dhèwèké uga ditampa dadi pambesut ing Google basa Indonesia.^[2]

Kanggo nyebaraké ngèlmu basa, Ivan Lanin ngembangaké "Kateglo" kang awujud singkatan saka "kamus", "tesaurus", lan "glosarium".^[2] Dhéwèké ngembangaké Kateglo bareng karo kancané, Romi Hardiyanto kang ngayahi jejibahan minangka penerjemah Firefox ing basa Indonesia.^[4] Ivan kaping pisan éntuk pamikiran nggawé Kateglo tanggal 9 Mèi 2009.^[2] Sabanjuré, Iwan nggawé struktur basis data Kateglo mung ing wanci telung dina kanthi nggawé program, éwadene Romi ngawakutu (nganalisis) programé.^[2]

Pawiyatan

• SMA Negeri 3 Jakarta, 1989 ^[2][4]
• Teknik Kimia, Institut Teknologi Bandung, 1992^[2][4]
• Magister Teknologi Informasi, Universitas Indonesia, 2009 ^[2][4]

Lumaku

• Chief Technology Officer, APB Group^[2]
• Pambesut ing Google Indonesia^[2]

Uga delengen

• IvanLanin, akun milik Ivan Lanin di Wikipedia bahasa Indonesia.