Kimia

Kimia (basa Arab: كيمياء utawa basa Griki: χημεία "khemeia") iku ngèlmu kang manyinaoni sifating dat-dat dhasar matéri kang ana ing jagat. Ngèlmu iki nyinaoni sipat dhasar, pangowahan lan interaksi atom-atom, ya iku dat-dat dhasar matéri.

Laboratorium.

Olèhé manyinaoni ngèlmu iki, papané ana ing laboratorium.

Babagan-Babagan Kimia

Babagan-babagan mirunggan ngèlmu kimia iku antarané:

Atom

Artikel utama bab: Atom.

Atom iku ékan matèri kang cilik bangét kang ketata saking:

• Nukléus utawa inti atom kang duwé momotan positif kang lumrahé ngandhut Proton lan Neutron
• Eléktron ngubéngi ana ing sékitar inti atom kanggo ngimbangi momotan positif inti atom.

Unsur Kimia

Artikel utama bab: Unsur kimia.

Unsur Kimia iku kelompok atom kang duwé jumlah proton kang pada ing jero inti atom utawa nuklèus/inti. Jumlah iku diarani nomer atom unsur. Kanggo conto: kabèh atom kang duwè proton 6 iji ing intiné iku mesthi atom saka unsur kimia karbon, utawa kabèh atom kang duwé proton 92 iji ing inti/nukleuse mesthi atom unsur uranium.

Tampilan unsur-unsur iku paling pas tur gampang dipahami ana ing tabel périodik. Ing tabel périodik iku unsur kimia ditata miturut lambang unsur lan nomer atomé.

Cabang-Cabang Kimia

Cabang-cabang utama ngèlmu kimia iku antarané:

• Kimia Organik
• Kimia Anorganik
• Biokimia
• Kimia Fisik

Saliyané iku uga ana cabang-cabang mirunggan kang mbahas kaitan ngèlmu kimia iki kaliyan ngèlmu liyané contoné:

• Elektrokimia
• Farmakologi
• Geokimia
• Kimia Atmosfér
• Kimia Inti
• Kimia Komputasi
• Kimia Lingkungan
• Kimia Obat
• Kimia Polimér
• Kimia Supramolekul
• Termokimia
• lyy.

Pirsani Uga

• Hukum Kimia
• Tata Jeneng Kimia
• Wujud Zat
• Kimiawan
• Tabel périodik
• Pratélan unsur miturut jeneng
• Pratélan unsur miturut nomer atom

Cithakan:Cabang ngèlmu alam