Komeng

Alfiansyah langkung misuwur kanthi asma Komeng; lair ing Jakarta, Indonesia, 25 Agustus 1970; umur 54 taun.^[1] Komeng punika salah satunggaling pelawak Indonesia.^[1] Komeng misuwur nalika dados presenter acara Spontan ingkang naté dipunbabaraken déning SCTV wiwit taun 1995.^[2] Pelawak ingkang dipunidolakaken Komeng inggih punika Benyamin Sueb.^[2] Komeng gadhah jargon komedi inggih punika Uhuiiii.....^[1]

Komeng
Lair	Alfiansyah
Jeneng liya	Komeng
Pakaryan	aktor, pelawak, pembawa acara
Taun aktif	1995 — saiki
Pasangan	Indra Dewi (1999—saiki)

Sadèrèngipun dados pelawak, Komeng punika dados penyiar Radio SK Jakarta nalika taun 1993 dumugi 1996 saha Bens Radio Jakarta nalika taun 1996.^[1] Ngantos sapunika, Komeng ugi asring tampil wonten tivi dados presenter.^[1] Komeng krama kaliyan tiyang èstri ingkang anami Aprilliana Indra Dewi.^[1] Komeng sampun naté dados bintang wonten ing sinétron-sinétron komedi.^[1] Sinetron komedi ingkang naté dipunbintangi Komeng inggih punika Kompor Diamor (TPI, 1991), Akal-Akalan (Indosiar, 1996), Otak-Otak Kuda (TPI 1996), Malioboro (TPI, 1996), Liliput (2001), Puteri Duyung (SCTV, 2001).^[1]

Nalika pertengahan taun 2009, Komeng akting wonten ing salah satunggaling komédi situasi.^[1] Acara komedi punika gadhah irah-irahan Kungfu Komeng.^[1] Wonten ing acara punika, Komeng akting kaliyan Tessa Kaunang.^[1] Komeng ugi dados bintang iklan prodhuk motor Yamaha.^[1]

Komeng naté sekolah wonten ing SD dumugi SMA wonten ing kutha Jakarta. Komeng ugi naté kuliyah wonten ing Akademi Bank Indonesia nanging boten rampung.

Karir

Radio

• Penyiar Radio SK Jakarta, 1993-1996
• Penyiar Bens Radio Jakarta, 1996

Acara Televisi

• Drama Komedi ing TVRI, 1990
• Opera Diamor ing TVRI, 1991-1995
• Spontan ing SCTV lan Trans TV, 1995—2003 (SCTV), 2003-2004 (Trans TV)
• Asep Show ing TPI, 2000—2004
• SLI 008
• Karajan Sahur ing Trans TV lan TV7, 2006
• Saatnya Kita Sahur ing Trans TV, 2007—saiki
• Gong show ing Trans TV, 2008—saiki
• Opera Van Java ing Trans7, 2008—2009
• Wara-Wiri ing Trans 7, 2009—2011
• Meng dot Kom ing RCTI, 2011—saiki
• Super Jail ing Trans 7, 2012—saiki

Film

• Anda Puas, Saya Loyo (2008)
• Mau Dong Ah (2009)

Sinetron

• Akal-akalan ing Indosiar, 1996
• Otak-polo Kuda ing TPI, 1996
• Malioboro ing TPI, 1996
• Liliput, 2001
• Puteri Duyung ing SCTV, 2001
• James Bono ing TPI, 2001