Rudy Hartono

Rudy Hartono Kurniawan (Hanzi: 梁海量, Nio Hap Liang; translasi fonetik nama Indonésianipun dhateng basa Tionghoa: 哈托诺 Hatuonuo; lair ing Surabaya, Jawa Wétan, 18 Agustus 1949; umur 76 taun) inggih punika tilas atlet badminton Indonésia.^[2] Panjenengané naté menangaken kajuwaraan donya ing taun 1980, lan Kajuwaran All England ngantos wolung taun nalika taun 1960-an lan 1970-an.^[2][3]

Rudy Hartono
Katerangan pribadi
Jeneng jangkep	Rudy Hartono Kurniawan Chinese: Nio Hap Liang [1]
Nagara	Indhonésia
Dhuwur	1.78 m (5 ft 10 in)
Tangan sing dipigunakaké	Kanan
Event	Tunggal Pria

Kariér Profesionalipun

Sasampunipun ndhèrèk grup gadhah ramanipun, wusananipun Rudy lajeng pindhah dhateng grup badminton ingkang langkung ageng inggih punika Rajawali Group ingkang sampun kathah ngasilaken atlet badminton donya.^[3] Wiwitanipun ndhèrèk grup punika, Rudy sampun ngraos manggihi papan ingkang saé kanggé ngembangaken bakatipun.^[3] Nanging sasampunipun pikantuk panyaruwé saking ramanipun, Rudy lajeng pindhah ndhèrèk Pusat Pelatihan Nasional kanggé Thomas Cup ing pungkasanipun taun 1965.^[3]

Sasampunipun ndhèrèk Pusat Pelatihan Nasional kanggé Thomas Cup, kawasisanipun dados minggah.^[3] Rudy dados salah satunggalipun anggota tim Thomas Cup ing taun 1967.^[3] Satunggal taun salajengipun, ing yuswa 18 taun panjenengané pikantuk juwara setunggal ing Kajuwaran All England kanthi ngalahaken juru main Malaysia Tan Aik Huang kanthi skor 15-12 lan 15-9.^[3] Salajengipun Rudy dados juwara ing taun-taun salajengipun ngantos taun 1974.^[3]

Préstasi

• Juwara Tunggal Putra All England kaping 8 (1968, 1969, 1970, 1971, 1972, 1973, 1974, lan 1976),
• Runner-Up All England kaping 2 (1975, 1978),
• Juwara bareng Tim Indonésia ing Thomas Cup kaping 4 (1970, 1973, 1976 lan 1979),
• Juwara Dunia World Championship 1980,
• Juwara Dhènemarken Open kaping 3 (1971, 1972, 1974),
• Juwara Canadian Open kaping 2 (1969, 1971),
• Juwara US Open 1969,
• Juwara Japan Open 1981,
• Ketua Babagan Pembinaan PB PBSI (1981-1985).

Bebingah

• Asian Heroes, TIME Magazine 2006,
• Ulah ragawan ingkang saé piyambak SIWO/PWI (1969 lan 1974),
• IBF Distinguished Service Award 1985,
• IBF Herbert Scheele Trophy 1986 – panampi kapisan,
• Honorary Diploma 1987 saking the International Committee’s “Fair Play” Award,
• Tandha Kaurmatan Républik Indonésia Bintang Jasa Utama.