Soerjadi Soedirdja

Jenderal TNI (Purn) Surjadi Soedirdja (lair ing Batavia, 11 Oktober 1938; umur 86 taun) inggih punika salah satunggalipun tokoh militèr lan pulitik Indonésia.^[1] Surjadi Soedirdja naté njabat dados Gubernur Jakarta Périodhe 1992-1997.^[1] Nalika masa pamaréntahanipun, panjenenganipun damel proyèk damel griya susun, ngripta wewengkon ingkang ijem, lan ngathahaken tlatah rembesan toya.^[1] Wonten malih rencana proyèk sepur ing sandhaping siti lan margi susun tiga ingkang naté dipunrencanakaken nanging dèrèng kawujud ngantos sapunika.^[1] Panjenenganipun kasil mbébasaken margi Jakarta saking angkudan bécak.^[1] Panjenenganipun naté njabat dados Mantri Lebet Nagari (1999-2001) lan Mantri Koordinator babagan Pulitik lan Kaamanan (2000-2001) ing wekdal Kabinet Persatuan Nasional.^[1]

Surjadi Soedirdja

Tilas Gubernur DKI Jakarta (1992-1997) Jenderal TNI (Purn) Surjadi Soedirdja punika salah satunggalipun tiyang ingkang sakedhik micara nanging sengkut anggènipun nyambut damel.^[2] Panjenenganipun sampun suksès mbébasaken margi ing Jakarta saking bécak lan kathah yasa margi layang.^[2]

Pendhidhikan

• Akadhemi Militèr Nasional (1962),
• Seskoad (1974),
• Pendhidhikan militèr ing Prancis (1974),
• Seskogab (1979),
• Lemhannas (1991).^[2]

Karir

• Kasdam IV Diponegoro Jawi Tengah (1986-1988),
• Pangdam Jaya (1988-1990),
• Asisten Sospol ABRI (1990-1992),
• Gubernur DKI Jakarta (1992-1997),
• Mantri Lebet Nagari (1999-2001),
• Mantri Koordinator babagan Pulitik lan Kaamanan (2000-2001).^[2]