![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/87/Afghanistan_physical_en.png/640px-Afghanistan_physical_en.png&w=640&q=50)
ბანდი-თურქესტანი
From Wikipedia, the free encyclopedia
ბანდი-თურქესტანი, ბანდე-თურქესტანი — ქედი ავღანეთის ჩრდილოეთ ნაწილში, ფაროფამიზის სისტემაში. ადმინისტრაციულად მოქცეულია ბადღისის, ფარიაბისა და სარიპულის პროვინციების ტერიტორიაზე. გამოეყოფა საფედქოჰის ქედს გასწვრივი ღრმულით, რომელზედაც გაედინება მდინარე მურღაბი. გადაჭიმულია დაახლოებით 300 კმ-ზე. სიმაღლე 3530 მ (მთა ჰაუზი-ქაუდი).[1] უმეტესწილად აგებულია კირქვებითა და ფიქლებით. ჩრდილო-დასავლეთით ბანდი-თურქესტანი გადადის ყარაბილის ბორცვიან მაღლობში. განვითარებულია კონტინენტური კლიმატი. ატმოსფერული ნალექების წლიური რაოდენობა 100-350 მმ ფარგლებში იცვლება. დამახასიათებელია მთის სტეპი, მთისწინეთში უდაბნოა. ზედა სარტყელში ღვიის მეჩხერი ტყეა. მიდამოები არ არის მჭიდროდ დასახლებული. გვხვდება ოაზისები.[2]
სწრაფი ფაქტები ბანდი-თურქესტანი ...
ბანდი-თურქესტანი | |
---|---|
![]() ავღანეთის ფიზიკური რუკა | |
კოორდინატები: 35°23′39″ ჩ. გ. 64°21′54″ ა. გ. | |
ქვეყანა | ![]() |
ტერიტორიული ერთეული | ბადღისის პროვინცია ფარიაბის პროვინცია სარიპულის პროვინცია |
უმაღლესი წერტილი | ჰაუზი-ქაუდი |
სიმაღლე | 3530 მ |
სიგრძე | 300 კმ |
დახურვა