კირიბატი
From Wikipedia, the free encyclopedia
რესპუბლიკა კირიბატი (ინგლ. Republic of Kiribati, გამოითქმის IPA: [ˈkiribas]) — წყნარი ოკეანის სახელმწიფო მიკრონეზიაში. ჩრდილოეთით ესაზღვრება მარშალის კუნძულებისა და მიკრონეზიის ფედერაციული შტატების ტერიტორიულ წყლებს, დასავლეთით და სამხრეთ-დასავლეთით - ნაურუს, სოლომონის კუნძულებისა და ტუვალუს ტერიტორიულ წყლებს, სამხრეთით და სამხრეთ-აღმოსავლეთით - ტოკელაუს, კუკის კუნძულებისა და საფრანგეთის პოლინეზიისს ტერიტორიულ წყლებს. ჩრდილოეთით და ჩრდილო-აღმოსავლეთით ესაზღვრება წყნარი ოკეანის ნეიტრალურ წყლებს, ასევე აშშ-ის მიმდებარე მცირე კუნძულებს. სანაპირო ზოლის სიგრძეა 1143 კმ. განსაკუთრებული ეკონომიკური ზონა (გეზ) — დაახლოებით 3,5 მილიონი კმ². შიდა წყლები - დაახ. 22 კმ საბაზისო ხაზიდან. კირიბატის რესპუბლიკის შემადგენლობაში შედის 33 მცირე ატოლი, რომელთაგან 20 დაუსახლებელია. მათგან 16 კუნძული და ატოლი გილბერტის კუნძულებშია, 8 კუნძული ფენიქსის კუნძულებში და 8 კუნძული კი ლაინის კუნძულებშია. კირიბატის ეკუთვნის განცალკევებით მყოფი კუნძული ბანაბა. საერთო ფართობია — 812,34 კმ². კირიბატის მოსახლეობაა — 103 058 ადამიანი.[1] (2010, აღწერა). დედაქალაქი - სამხრეთი ტარავა. დამოუკიდებლობა დიდი ბრიტანეთისგან გამოცხადდა 1979 წლის 12 ივლისს, ამავე წელს მას ოფიციალურად ეწოდა რესპუბლიკა კირიბატი. 1983 წელს ძალაში შევიდა მეგობრობის შესახებ შეთანხმება აშშ-სა და კირიბატის რესპუბლიკას შორის, რის თანახმადაც აშშ უარს აცხადებდა ლაინისა და ფენიქსის კუნძულებში განლაგებული 14 კუნძულის პრეტენზიაზე და აღიარა ისინი კირიბატის რესპუბლიკის შემადგენელ ნაწილად.
კირიბატის რესპუბლიკა | ||||||
---|---|---|---|---|---|---|
დევიზი: Te Mauri, Te Raoi ao Te Tabomoa | ||||||
ჰიმნი: Teirake Kaini Kiribati |
||||||
|
||||||
დედაქალაქი (და უდიდესი ქალაქი) | სამხრეთი ტარავა 1°28′ ჩ. გ. 173°02′ ა. გ. | |||||
ოფიციალური ენა | კირიბატული ენა, ინგლისური | |||||
მთავრობა | რესპუბლიკა | |||||
- | პრეზიდენტი | ანოტე ტონგი | ||||
- | ვიცე-პრეზიდენტი | ტეიმა ონორიო | ||||
ფართობი | ||||||
- | სულ | 812,34 კმ2 (186-ე) | ||||
- | წყალი (%) | 0 | ||||
მოსახლეობა | ||||||
- | 2005 შეფასებით | 105 432 (197-ე) | ||||
- | 2010 აღწერა | 103 058 | ||||
- | სიმჭიდროვე | 126,87 ად კაცი/კმ2 (73-ე) | ||||
მშპ (მუპ) | 2005 შეფასებით | |||||
- | სულ | $206 მილიონი (213-ე) | ||||
- | ერთ მოსახლეზე | $2,358 (136-ე) | ||||
ვალუტა | ავსტრალიური დოლარი (AUD ) |
|||||
დროის სარტყელი | UTC+12:00, UTC+13:00, UTC+14:00 | |||||
ქვეყნის კოდი | KIR | |||||
Internet TLD | .ki | |||||
სატელეფონო კოდი | +686 |