ლამაზი ტბა

ლამაზი ტბა — ტბა საქართველოში, ნინოწმინდის მუნიციპალიტეტში.^[1] მდებარეობს სამსრის ქედზე, ზღვის დონიდან 2808 მ სიმაღლეზე. მყინვარული წარმოშობისაა. წყლის სარკის ფართობი 0,11 კმ², აუზის ფართობი 1,48 კმ². მაქსიმალური სიღრმე 16,5 მ, მოცულობა 1,25 მლნ. მ³.^[2] საზრდოობს თოვლის, წვიმისა და მიწისქვეშა წყლით. მაღალი დონე აქვს ზაფხულში, დაბალი — ზამთარში. ქვაბული ციცაბო ფერდობებით ხასიათდება. ტბის ნაპირები სუსტადაა დანაწევრებული. წყალი სუსტად მინერალიზებულია, სუფთა და გამჭვირვალეა. ახასიათებს დონეების მცირე სეზონური რყევა.^[3]

ლამაზი ტბა
კოორდინატები: 41°30′41″ ჩ. გ. 43°41′35″ ა. გ.
მდებარეობა	საქართველო
ტერიტორიული ერთეული	ნინოწმინდის მუნიციპალიტეტი (სამცხე-ჯავახეთის მხარე)
სიმაღლე ზღვის დონიდან	2808 მ
ფართობი	0,11 კმ²
მოცულობა	0,00125 კმ³
საშუალო სიღრმე	11,4 მ
მაქსიმალური სიღრმე	16,5 მ
აუზის ფართობი	1,48 კმ²

სქოლიო

1. საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 99.
2. Апхазава И. С. Озера Грузии. Тбилиси: Мецниереба, 1975. 181 с.
3. საქართველოს სსრ გეოგრაფიული საზოგადოების შრომები. თბილისი, 1967. გვ. 145-146